This is a Sanskrit translation of https://suttacentral.net/dhp1-20/pli/ms by Ram Sury.

---

dharmapadam — 1. yamakavargaḥ
Dharmapada — 1. Pairs of verses

---

1.
manaḥpūrvaṃgamā dharmāḥ, manaḥśreṣṭhā manomayāḥ
manasā cet praduṣṭena, bhāṣate vā karoti vā.
tatas taṃ duḥkham anveti, cakram iva vahataḥ padam.

2.
manaḥpūrvaṃgamā dharmāḥ, manaḥśreṣṭhā manomayāḥ.
manasā cet prasannena, bhāṣate vā karoti vā.
tatas taṃ sukham anveti, chāyevānapāyinī.

3.
ākrukṣan mām avadhīn mām, ajaiṣīn mām ahārṣīn me.
ye ca tad upanahyanti, vairaṃ teṣāṃ na śāmyati.

4.
ākrukṣan mām avadhīn mām, ajaiṣīn mām ahārṣīn me.
ye ca tan nopanahyanti, vairaṃ teṣūpaśāmyati.

5.
na hi vaireṇa vairāṇi, śāmyantīha kadācana.
avaireṇa ca śāmyanti, eṣa dharmaḥ sanātanaḥ.

6.
pare ca na vijānanti, vayam atra yamāmahe.
ye ca tatra vijānanti, tataḥ śāmyanti medhagāḥ.

7.
śubhānupaśyinaṃ viharantam, indriyeṣv asaṃvṛtam.
bhojane cāmātrajñam, kusīdaṃ hīnavīryam.
taṃ vai prasahate māro, vāto vṛkṣam iva durbalam.

8.
aśubhānupaśyinaṃ viharantam, indriyeṣu susaṃvṛtam.
bhojane ca mātrajñam, śraddham ārabdhavīryam.
taṃ vai na prasahate māro, vātaḥ śailam iva parvatam.

9.
aniṣkaṣāyaḥ kāṣāyaṃ, yo vastraṃ paridhāsyati.
apeto damasatyena, na sa kāṣāyam arhati.

10.
yo ca vāntakaṣāyaḥ syāt, śīleṣu susamāhitaḥ.
upeto damasatyena, sa vai kāṣāyam arhati.

11.
asāre sāramatayaḥ, sāre cāsāradarśinaḥ.
te sāraṃ nādhigacchanti, mithyāsaṃkalpagocarāḥ.

12.
sāraṃ ca sāratvena jñātvā, asāraṃ cāsāratvena.
te sāram adhigacchanti, samyaksaṃkalpagocarāḥ.

13.
yathāgāraṃ duśchannaṃ, vṛṣṭiḥ samatividhyati.
evam abhāvitaṃ cittaṃ, rāgaḥ samatividhyati.

14.
yathāgāraṃ succhannaṃ, vṛṣṭir na samatividhyati.
evaṃ subhāvitaṃ cittaṃ, rāgo na samatividhyati.

15.
iha śocati pretya śocati, pāpakārī ubhayatra śocati.
sa śocati sa vihanyate, dṛṣṭvā karmakliṣṭam ātmanaḥ.

16.
iha modate pretya modate, kṛtapuṇya ubhayatra modate.
sa modate sa pramodate, dṛṣṭvā karmaviśuddhim ātmanaḥ.

17.
iha tapyate pretya tapyate, pāpakārī ubhayatra tapyate.
“pāpaṃ me kṛtam” iti tapyate, bhūyas tapyate durgatiṃ gataḥ.

18.
iha nandati pretya nandati, kṛtapuṇya ubhayatra nandati.
“puṇyaṃ me kṛtam” iti nandati, bhūyo nandati sugatiṃ gataḥ.

19.
bahv api cet saṃhitaṃ bhāṣamāṇaḥ, na tatkaro bhavati naraḥ pramattaḥ.
gopa iva gāḥ gaṇayan pareṣām, na bhāgyavān śrāmaṇyasya bhavati.

20.
alpam api cet saṃhitaṃ bhāṣamāṇaḥ, dharmasya bhavaty anudharmacārī.
rāgaṃ ca dveṣaṃ ca prahāya moham, samyakprajānaḥ suvimuktacittaḥ.
anupādadāna iha vāmutra vā, sa bhāgyavān śrāmaṇyasya bhavati.

yamakavargaḥ prathamo niṣṭhitaḥ.