evaṃ mayā śrutam — ekasmin samaye bhagavān śrāvastyāṃ vyahārṣīj jetavane 'nāthapiṇḍadasyārāme.

tatra khalu bhagavān bhikṣūn āmantrayām āsa — yathā yathāyaṃ puruṣaḥ karma karoti, tathā tathā tat pratisaṃvedayata iti; evaṃ sati na brahmacaryavāso bhavati, na duḥkhasyāntakriyā labhyate. yadi tv evam ucyate — yathāvedanīyam ayaṃ puruṣaḥ karma karoti, tathā tathāsya vipākaṃ pratisaṃvedayata iti; evaṃ sati brahmacaryavāso bhavati, duḥkhasyāntakriyā ca labhyate. tat kasya hetoḥ?

yadi kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate? ihaikaḥ puruṣo 'bhāvitakāyo bhavaty abhāvitaśīlo 'bhāvitacitto 'bhāvitaprajñaḥ, parīttāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate.

tadyathāpi nāma kaścit puruṣaḥ parītte udake lavaṇapalaṃ prakṣipet, icchaṃs tad udakaṃ kṣāram apānīyaṃ kartum. tat kiṃ manyadhve? api nu tal lavaṇapalaṃ tat parīttam udakaṃ kṣāram apānīyaṃ kuryāt?

te 'vocuḥ — evam etad bhagavan. tat kasya hetoḥ? prabhūtaṃ lavaṇaṃ parīttaṃ codakam, tena kāraṇena kṣāram apānīyaṃ kuryāt.

evam eva kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate? ihaikaḥ puruṣo 'bhāvitakāyo bhavaty abhāvitaśīlo 'bhāvitacitto 'bhāvitaprajñaḥ, parīttāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate.

punar aparaṃ kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate? ihaikaḥ puruṣo bhāvitakāyo bhavati bhāvitaśīlo bhāvitacitto bhāvitaprajñaḥ, dīrghāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate.

tadyathāpi nāma kaścit puruṣo gaṅgāyām udake lavaṇapalaṃ prakṣipet, icchaṃs tad udakaṃ kṣāram apānīyaṃ kartum. tat kiṃ manyadhve? api nu tal lavaṇapalaṃ gaṅgāyā udakaṃ kṣāram apānīyaṃ kuryāt?

te 'vocuḥ — no hīdaṃ bhagavan. tat kasya hetoḥ? prabhūtaṃ hi gaṅgāyām udakam, parīttaṃ tal lavaṇapalam, tena kāraṇena na kṣāram apānīyaṃ kuryāt.

evam eva kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate? ihaikaḥ puruṣo bhāvitakāyo bhavati bhāvitaśīlo bhāvitacitto bhāvitaprajñaḥ, dīrghāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate.

punar aparaṃ kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate? ihaikaḥ puruṣo 'bhāvitakāyo bhavaty abhāvitaśīlo 'bhāvitacitto 'bhāvitaprajñaḥ, parīttāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate.

tadyathāpi nāma kaścit puruṣaḥ parasya meṣam apaharet. kathaṃ ca kaścit puruṣaḥ parasya meṣam apaharati? tatra yo meṣam apaharati sa rājā vā bhavati rājamātyo vā, atyarthaṃ mahāprabhāvaḥ. yaś ca meṣasvāmī, sa daridro bhavati dīno durbalaḥ. sa durbalatvād vividham upāsya, kṛtāñjaliḥ prārthayamāna evam āha — ārya, arhasi me meṣaṃ pratyarpayitum, yadi vā tasya mūlyaṃ dātum iti. evam ayaṃ puruṣaḥ parasya meṣam apaharati.

evam eva kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate? ihaikaḥ puruṣo 'bhāvitakāyo bhavaty abhāvitaśīlo 'bhāvitacitto 'bhāvitaprajñaḥ, parīttāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate.

punar aparaṃ kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate? ihaikaḥ puruṣo bhāvitakāyo bhavati bhāvitaśīlo bhāvitacitto bhāvitaprajñaḥ, dīrghāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate.

tadyathāpi nāma kaścit puruṣo yady api parasya meṣaṃ coret, svāmī tu tam eva pratyādadīta. kathaṃ ca kaścit puruṣo yady api parasya meṣaṃ corayati, svāmī tu tam eva pratyādatte? tatra yo meṣaṃ corayati sa daridro bhavati dīno durbalaḥ. yaś ca meṣasvāmī, sa rājā vā bhavati rājamātyo vā, atyarthaṃ mahāprabhāvaḥ. sa prabhāvavattvāc coraṃ baddhvā meṣaṃ pratyādatte. evam ayaṃ puruṣaḥ parasya meṣaṃ corayati, svāmī tu tam eva pratyādatte.

evam eva kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate? ihaikaḥ puruṣo bhāvitakāyo bhavati bhāvitaśīlo bhāvitacitto bhāvitaprajñaḥ, dīrghāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate.

punar aparaṃ kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate? ihaikaḥ puruṣo 'bhāvitakāyo bhavaty abhāvitaśīlo 'bhāvitacitto 'bhāvitaprajñaḥ, parīttāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate.

tadyathāpi nāma kaścit puruṣaḥ parasya pañca kārṣāpaṇān dhārayan svāminā badhyate, yāvad ekaṃ kārṣāpaṇam api dhārayan svāminā badhyate. kathaṃ ca kaścit puruṣaḥ parasya pañca kārṣāpaṇān dhārayan svāminā badhyate, yāvad ekaṃ kārṣāpaṇam api dhārayan svāminā badhyate? tatra yo 'sau ṛṇī sa daridro bhavati dīno durbalaḥ. sa daridratvād durbalatvāc ca parasya pañca kārṣāpaṇān dhārayan svāminā badhyate, yāvad ekaṃ kārṣāpaṇam api dhārayan svāminā badhyate. evam ayaṃ puruṣaḥ parasya pañca kārṣāpaṇān dhārayan svāminā badhyate, yāvad ekaṃ kārṣāpaṇam api dhārayan svāminā badhyate.

evam eva kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate? ihaikaḥ puruṣo 'bhāvitakāyo bhavaty abhāvitaśīlo 'bhāvitacitto 'bhāvitaprajñaḥ, parīttāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ nairayikaṃ vipākaṃ pratisaṃvedayate.

punar aparaṃ kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate? ihaikaḥ puruṣo bhāvitakāyo bhavati bhāvitaśīlo bhāvitacitto bhāvitaprajñaḥ, dīrghāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate.

tadyathāpi nāma kaścit puruṣaḥ parasya kārṣāpaṇasataṃ dhārayann api na svāminā badhyate, yāvat koṭiṃ dhārayann api na svāminā badhyate. kathaṃ ca kaścit puruṣaḥ parasya kārṣāpaṇasataṃ dhārayann api na svāminā badhyate, yāvat koṭiṃ dhārayann api na svāminā badhyate? tatra yo 'sau ṛṇī so 'mitasvāpateyo 'tyarthaṃ mahāprabhāvo bhavati. sa tena kāraṇena parasya kārṣāpaṇasataṃ dhārayann api na svāminā badhyate, yāvat koṭiṃ dhārayann api na svāminā badhyate. evam ayaṃ puruṣaḥ parasya kārṣāpaṇasataṃ dhārayann api na svāminā badhyate, yāvat koṭiṃ dhārayann api na svāminā badhyate.

evam eva kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate. kathaṃ ca kaścit puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate? ihaikaḥ puruṣo bhāvitakāyo bhavati bhāvitaśīlo bhāvitacitto bhāvitaprajñaḥ, dīrghāyur api bhavati. evam ayaṃ puruṣo 'kuśalaṃ karma karoti, tasyāvaśyaṃ duḥkhaphalaṃ dṛṣṭadhārmikaṃ vipākaṃ pratisaṃvedayate; sa dṛṣṭa eva dharme yady api kuśalākuśalakarmavipākaṃ pratisaṃvedayate, so 'tīva mṛdur bhavati.

idam avocad bhagavān. āttamanasas te bhikṣavo bhagavato bhāṣitam abhyanandiṣuḥ.

lavaṇopamasūktaṃ niṣṭhitaṃ prathamam.