madhyamanikāyaḥ 22 - alagardopamasūtram

evaṃ mayā śrutam — ekasmin samaye bhagavān śrāvastyāṃ viharati sma jetavane anāthapiṇḍadasya ārāme .

tena khalu punaḥ samayena ariṣṭhasya nāma bhikṣoḥ gṛdhravyādhapūrvasya evaṃrūpaṃ pāpakaṃ dṛṣṭigataṃ utpannaṃ bhavati — tathā ahaṃ bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti .

aśrauṣuḥ khalu saṃbahulāḥ bhikṣavaḥ — ariṣṭhasya kila nāma bhikṣoḥ gṛdhravyādhapūrvasya evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti . atha khalu te bhikṣavaḥ ariṣṭhaṃ bhikṣuṃ gṛdhravyādhapūrvam upasaṃcakramuḥ ; upasaṃkramya ariṣṭhaṃ bhikṣuṃ gṛdhravyādhapūrvam etad avocan — satyaṃ kila te, āyuṣman ariṣṭha, evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti .

evaṃ vai khalu aham, āyuṣmantaḥ, bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti .

atha khalu te api bhikṣavaḥ ariṣṭhaṃ bhikṣuṃ gṛdhravyādhapūrvam etasmāt pāpakāt dṛṣṭigatāt vivecayitukāmāḥ samanuyuñjanti samanugāhante samanubhāṣante — mā hi evam, āyuṣman ariṣṭha, vocaḥ, mā bhagavantam bhyākśāsīḥ ; na hi sādhu bhagavataḥ abhyākhyānam, na hi bhagavān evaṃ vadet . anekaparyāyena āyuṣman ariṣṭha, āntarāyikāḥ dharmāḥ āntarāyikāḥ uktāḥ bhagavatā, alaṃ ca punas tān pratisevamānasya antarāyāya . alpāsvādāḥ kāmāḥ uktāḥ bhagavatā bahuduḥkhāḥ bahupāyāsāḥ, ādīnavaḥ atra bhūyān . asthikaṅkālopamāḥ kāmāḥ uktāḥ bhagavatā … māṃsapeśyopamāḥ kāmāḥ uktāḥ bhagavatā … tṛṇolkopamāḥ kāmāḥ uktāḥ bhagavatā … aṅgārakārṣūpamāḥ kāmāḥ uktāḥ bhagavatā … svapnopamāḥ kāmāḥ uktāḥ bhagavatā … yācitakopamāḥ kāmāḥ uktāḥ bhagavatā … vṛkṣaphalopamāḥ kāmāḥ uktāḥ bhagavatā … asiśūnopamāḥ kāmāḥ uktāḥ bhagavatā … śaktiśūlopamāḥ kāmāḥ uktāḥ bhagavatā … sarpaśiropamāḥ kāmāḥ uktāḥ bhagavatā bahuduḥkhāḥ bahupāyāsāḥ, ādīnavaḥ atra bhūyān iti .

evam api khalu ariṣṭhaḥ bhikṣuḥ gṛdhravyādhapūrvaḥ taiḥ bhikṣubhiḥ samanuyujyamānaḥ samanugāhyamānaḥ samanubhāṣyamānaḥ tad eva pāpakaṃ dṛṣṭigataṃ sthāmnā parāmṛśya abhiniviśya vyavaharati — evaṃ vai khalu aham, āyuṣmantaḥ, bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti .

yataḥ khalu te bhikṣavaḥ na aśaknuvan ariṣṭhaṃ bhikṣuṃ gṛdhravyādhapūrvam etasmāt pāpakāt dṛṣṭigatāt vivecayitum, atha khalu te bhikṣavaḥ bhagavantam upasaṃcakramuḥ ; upasaṃkramya bhagavantam abhivādya ekānte nyaṣīdan . ekānte niṣaṇṇāḥ khalu te bhikṣavaḥ bhagavantam etad avocan — ariṣṭhasya nāma, bhadanta, bhikṣoḥ gṛdhravyādhapūrvasya evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti . aśrauṣma khalu vayam, bhadanta — ariṣṭhasya kila nāma bhikṣoḥ gṛdhravyādhapūrvasya evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti .

atha khalu vayam, bhadanta, ariṣṭhaṃ bhikṣuṃ gṛdhravyādhapūrvam upasaṃakramiṣma ; upasaṃkramya ariṣṭhaṃ bhikṣuṃ gṛdhravyādhapūrvam etad avocāma — satyaṃ kila te, āyuṣman ariṣṭha, evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti ?

evam ukte, bhadanta, ariṣṭhaḥ bhikṣuḥ gṛdhravyādhapūrvaḥ asmān etad avocat — evaṃ vai khalu aham, āyuṣmantaḥ, bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti . atha khalu vayam, bhadanta, ariṣṭhaṃ bhikṣuṃ gṛdhravyādhapūrvam etasmāt pāpakāt dṛṣṭigatāt vivecayitukāmāḥ samānvayuñjmahi, samānvagāhāmahi, samānvabhāṣāmahi — mā hi evam, āyuṣman ariṣṭha, vocaḥ, mā bhagavantam bhyākśāsīḥ ; na hi sādhu bhagavataḥ abhyākhyānam, na hi bhagavān evaṃ vadet . anekaparyāyena āyuṣman ariṣṭha, āntarāyikāḥ dharmāḥ āntarāyikāḥ uktāḥ bhagavatā, alaṃ ca punas tān pratisevamānasya antarāyāya . alpāsvādāḥ kāmāḥ uktāḥ bhagavatā bahuduḥkhāḥ bahupāyāsāḥ, ādīnavaḥ atra bhūyān . asthikaṅkālopamāḥ kāmāḥ uktāḥ bhagavatā … sarpaśiropamāḥ kāmāḥ uktāḥ bhagavatā bahuduḥkhāḥ bahupāyāsāḥ, ādīnavaḥ atra bhūyān iti .

evam api khalu, bhadanta, ariṣṭhaḥ bhikṣuḥ gṛdhravyādhapūrvaḥ asmābhiḥ samanuyujyamānaḥ samanugāhyamānaḥ samanubhāṣyamānaḥ tad eva pāpakaṃ dṛṣṭigataṃ sthāmnā parāmṛśya abhiniviśya vyavaharati — evaṃ vai khalu aham, āyuṣmantaḥ, bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti . yataḥ khalu vayam, bhadanta, na aśaknuma ariṣṭhaṃ bhikṣuṃ gṛdhravyādhapūrvam etasmāt pāpakāt dṛṣṭigatāt vivecayitum, atha vayam etam arthaṃ bhagavate ārocayāmaḥ iti .

atha khalu bhagavān anyatamaṃ bhikṣum āmantrayata — ehi tvam, bhikṣo, mama vacanena ariṣṭhaṃ bhikṣuṃ gṛdhravyādhapūrvam āmantraya — śāstā tvām, āyuṣman ariṣṭha, āmantrayati iti .

evam, bhadanta iti khalu saḥ bhikṣuḥ bhagavataḥ pratiśrutya, ariṣṭhaṃ bhikṣuṃ gṛdhravyādhapūrvam upasaṃcakrāma ; upasaṃkramya ariṣṭhaṃ bhikṣuṃ gṛdhravyādhapūrvam etad avocat — śāstā tvām, āyuṣman ariṣṭha, āmantrayati iti .

evam āyuṣman iti khalu ariṣṭhaḥ bhikṣuḥ gṛdhravyādhapūrvaḥ tasya bhikṣoḥ pratiśrutya bhagavantam upasaṃcakrāma ; upasaṃkramya bhagavantam abhivādya ekānte nyaṣīdat . ekānte niṣaṇṇaṃ khalu ariṣṭhaṃ bhikṣuṃ gṛdhravyādhapūrvaṃ bhagavān etad avocat —

satyaṃ kila te, ariṣṭha, evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti ?

evaṃ vai khalu aham, bhadanta, bhagavatā dharmaṃ deśitam ājānāmi — yathā ye ime āntarāyikāḥ dharmāḥ uktāḥ bhagavatā tān pratisevamānasya na alaṃ antarāyāya iti .

kasya khalu nāma tvam, moghapuruṣa, mayā evaṃ dharmaṃ deśitam ājānāsi ? na nu mayā, moghapuruṣa, anekaparyāyena āntarāyikāḥ dharmāḥ āntarāyikāḥ uktāḥ ? alaṃ ca punas tān pratisevamānasya antarāyāya . alpāsvādāḥ kāmāḥ uktāḥ mayā, bahuduḥkhāḥ bahupāyāsāḥ, ādīnavaḥ atra bhūyān . asthikaṅkālopamāḥ kāmāḥ uktāḥ mayā … māṃsapeśyopamāḥ kāmāḥ uktāḥ mayā … tṛṇolkopamāḥ kāmāḥ uktāḥ mayā … aṅgārakārṣūpamāḥ kāmāḥ uktāḥ mayā … svapnopamāḥ kāmāḥ uktāḥ mayā … yācitakopamāḥ kāmāḥ uktāḥ mayā … vṛkṣaphalopamāḥ kāmāḥ uktāḥ mayā … asiśūnopamāḥ kāmāḥ uktāḥ mayā … śaktiśūlopamāḥ kāmāḥ uktāḥ mayā … sarpaśiropamāḥ kāmāḥ uktāḥ mayā, bahuduḥkhāḥ bahupāyāsāḥ, ādīnavaḥ atra bhūyān . atha ca punaḥ tvam, moghapuruṣa, ātmanā durgṛhītena asmān ca eva abhyācakṣe, ātmānaṃ ca khanasi, bahu ca apuṇyaṃ prasavasi . tat hi te, moghapuruṣa, bhaviṣyati dīrgharātram ahitāya duḥkhāya iti .

atha khalu bhagavān bhikṣūn āmantrayata — tat kiṃ manyadhve, bhikṣavaḥ, api nu ayaṃ ariṣṭhaḥ bhikṣuḥ gṛdhravyādhapūrvaḥ uṣmīkṛtaḥ api asmin dharmavinaye iti ?

kiṃ hi syāt, bhadanta ; no etat, bhadanta iti . evam ukte, ariṣṭhaḥ bhikṣuḥ gṛdhravyādhapūrvaḥ tūṣṇīmbhūtaḥ maṅkubhūtaḥ srastaskandhaḥ adhomukhaḥ pradhyāyan apratibhānaḥ nyaṣīdat .

atha khalu bhagavān ariṣṭhaṃ bhikṣuṃ gṛdhravyādhapūrvaṃ tūṣṇīmbhūtaṃ maṅkubhūtaṃ srastaskandham adhomukhaṃ pradhyāyantam apratibhānaṃ viditvā ariṣṭhaṃ bhikṣuṃ gṛdhravyādhapūrvam etad avocat — prajñāsyase khalu tvam, moghapuruṣa, etena svakena pāpakena dṛṣṭigatena . iha ahaṃ bhikṣūn pratiprakṣyāmi iti .

atha khalu bhagavān bhikṣūn āmantrayata — yūyam api me, bhikṣavaḥ, evaṃ dharmaṃ deśitam ājānītha yathā ayaṃ ariṣṭhaḥ bhikṣuḥ gṛdhravyādhapūrvaḥ ātmanā durgṛhītena asmān ca eva abhyācaṣṭe, ātmānaṃ ca khanati, bahu ca apuṇyaṃ prasavati iti ?

no etat, bhadanta . anekaparyāyena hi naḥ, bhadanta, āntarāyikāḥ dharmāḥ āntarāyikāḥ uktāḥ bhagavatā ; alaṃ ca punas tān pratisevamānasya antarāyāya . alpāsvādāḥ kāmāḥ uktāḥ bhagavatā bahuduḥkhāḥ bahupāyāsāḥ, ādīnavaḥ atra bhūyān . asthikaṅkālopamāḥ kāmāḥ uktāḥ bhagavatā … sarpaśiropamāḥ kāmāḥ uktāḥ bhagavatā bahuduḥkhāḥ bahupāyāsāḥ, ādīnavaḥ atra bhūyān iti .

sādhu sādhu, bhikṣavaḥ, sādhu, khalu me yūyam, bhikṣavaḥ, evaṃ dharmaṃ deśitam ājānītha . anekaparyāyena hi khalu, bhikṣavaḥ, āntarāyikāḥ dharmāḥ uktāḥ mayā, alaṃ ca punas tān pratisevamānasya antarāyāya .

alpāsvādāḥ kāmāḥ uktāḥ mayā, bahuduḥkhāḥ bahupāyāsāḥ, ādīnavaḥ atra bhūyān . asthikaṅkālopamāḥ kāmāḥ uktāḥ mayā … sarpaśiropamāḥ kāmāḥ uktāḥ mayā, bahuduḥkhāḥ bahupāyāsāḥ, ādīnavaḥ atra bhūyān . atha ca punar ayaṃ ariṣṭhaḥ bhikṣuḥ gṛdhravyādhapūrvaḥ ātmanā durgṛhītena asmān ca eva abhyācaṣṭe, ātmānaṃ ca khanati, bahu ca apuṇyaṃ prasavati . tat hi tasya moghapuruṣasya bhaviṣyati dīrgharātram ahitāya duḥkhāya . saḥ vata, bhikṣavaḥ, anyatra eva kāmaiḥ anyatra kāmasaṃjñāyāḥ anyatra kāmavitarkaiḥ kāmān pratiseviṣyate iti — na etad sthānaṃ vidyate .

iha, bhikṣavaḥ, kecit moghapuruṣāḥ dharmaṃ paryāpnuvanti — sūtraṃ, geyaṃ, vyākaraṇaṃ, gāthām, udānam, ityuktakaṃ, jātakam, adbhutadharmaṃ, vaidalyam . te taṃ dharmaṃ paryāpnuvan teṣāṃ dharmāṇāṃ prajñayā arthaṃ na upaparīkṣante . teṣāṃ te dharmāḥ prajñayā artham anupaparīkṣamāṇānāṃ na nidhyānaṃ kṣamante . te upālambhānuśaṃsāḥ ca eva dharmaṃ paryāpnuvanti itivādapramokṣānuśaṃsāḥ ca . yasya ca arthāya dharmaṃ paryāpnuvanti taṃ ca asya arthaṃ na anubhavanti . teṣāṃ te dharmāḥ durgṛhītāḥ dīrgharātram ahitāya duḥkhāya saṃvartante . tat kasya hetoḥ ? durgṛhītatvāt, bhikṣavaḥ, dharmāṇām .

tadyathā api, bhikṣavaḥ, puruṣaḥ alagardārthī alagardagaveṣī alagardaparyeṣaṇaṃ caramāṇaḥ . saḥ paśyet mahāntam alagardam . tam enaṃ bhoge vā lāṅgūle vā gṛhṇīyāt . tasya saḥ alagardaḥ pratiparivartya hastayoḥ vā bāhvoḥ vā anyatarasmin vā aṅgapratyaṅge daṃśet . saḥ tatarnidānaṃ maraṇaṃ vā nigacchet maraṇamātraṃ vā duḥkham . tat kasya hetoḥ ? durgṛhītatvāt, bhikṣavaḥ, alagardasya .

evam eva khalu, bhikṣavaḥ, iha kecit moghapuruṣāḥ dharmaṃ paryāpnuvanti — sūtraṃ, geyaṃ, vyākaraṇaṃ, gāthām, udānam, ityuktakaṃ, jātakam, adbhutadharmaṃ, vaidalyam . te taṃ dharmaṃ paryāpnuvan teṣāṃ dharmāṇāṃ prajñayā arthaṃ na upaparīkṣante . teṣāṃ te dharmāḥ prajñayā artham anupaparīkṣamāṇānāṃ na nidhyānaṃ kṣamante . te upālambhānuśaṃsāḥ ca eva dharmaṃ paryāpnuvanti itivādapramokṣānuśaṃsāḥ ca . yasya ca arthāya dharmaṃ paryāpnuvanti taṃ ca asya arthaṃ na anubhavanti . teṣāṃ te dharmāḥ durgṛhītāḥ dīrgharātram ahitāya duḥkhāya saṃvartante . tat kasya hetoḥ ? durgṛhītatvāt, bhikṣavaḥ, dharmāṇām .

iha punaḥ, bhikṣavaḥ, kecit kulaputrāḥ dharmaṃ paryāpnuvanti — sūtraṃ, geyaṃ, vyākaraṇaṃ, gāthām, udānam, ityuktakaṃ, jātakam, adbhutadharmaṃ, vaidalyam . te taṃ dharmaṃ paryāpnuvan teṣāṃ dharmāṇāṃ prajñayā artham upaparīkṣante . teṣāṃ te dharmāḥ prajñayā artham upaparīkṣamāṇānāṃ nidhyānaṃ kṣamante . te na ca eva upālambhānuśaṃsāḥ dharmaṃ paryāpnuvanti na itivādapramokṣānuśaṃsāḥ ca . yasya ca arthāya dharmaṃ paryāpnuvanti taṃ ca asya artham anubhavanti . teṣāṃ te dharmāḥ sugṛhītāḥ dīrgharātraṃ hitāya sukhāya saṃvartante . tat kasya hetoḥ ? sugṛhītatvāt bhikṣavaḥ dharmāṇām .

tadyathā api, bhikṣavaḥ, puruṣaḥ alagardārthī alagardagaveṣī alagardaparyeṣaṇaṃ caramāṇaḥ . saḥ paśyet mahāntam alagardam . tam enam ajapadena daṇḍena sunigṛhītaṃ nigṛhṇīyāt . ajapadena daṇḍena sunigṛhītaṃ nigṛhya, grīvāyāṃ sugṛhītaṃ gṛhṇīyāt . yadyapi saḥ, bhikṣavaḥ, alagardaḥ tasya puruṣasya hastaṃ vā bāhuṃ vā anyataraṃ vā aṅgapratyaṅgaṃ bhogaiḥ pariveṣṭayet, atha khalu saḥ na eva tatarnidānaṃ maraṇaṃ vā nigacchet maraṇamātraṃ vā duḥkham . tat kasya hetoḥ ? sugṛhītatvāt, bhikṣavaḥ, alagardasya .

evam eva khalu, bhikṣavaḥ, iha kecit kulaputrāḥ dharmaṃ paryāpnuvanti — sūtraṃ, geyaṃ, vyākaraṇaṃ, gāthām, udānam, ityuktakaṃ, jātakam, adbhutadharmaṃ, vaidalyam . te taṃ dharmaṃ paryāpnuvan teṣāṃ dharmāṇāṃ prajñayā artham upaparīkṣante . teṣāṃ te dharmāḥ prajñayā artham upaparīkṣamāṇānāṃ nidhyānaṃ kṣamante . te na ca eva upālambhānuśaṃsāḥ dharmaṃ paryāpnuvanti, na itivādapramokṣānuśaṃsāḥ ca . yasya ca arthāya dharmaṃ paryāpnuvanti, taṃ ca asya artham anubhavanti . teṣāṃ te dharmāḥ sugṛhītāḥ dīrgharātram arthāya hitāya sukhāya saṃvartante . tat kasya hetoḥ ? sugṛhītatvāt, bhikṣavaḥ, dharmāṇām .

tasmāt iha, bhikṣavaḥ, yasya me bhāṣitasya artham ājānīyāta, tathā enaṃ dhārayeta . yasya ca punar me bhāṣitasya arthaṃ na ājānīyāta, ahaṃ vaḥ tatra pratipraṣṭavyaḥ, ye vā punar syuḥ vyaktāḥ bhikṣavaḥ .

kullopamaṃ vaḥ, bhikṣavaḥ, dharmaṃ deśayiṣyāmi nistaraṇārthāya, no grahaṇārthāya . taṃ śṛṇuta, sādhu manasi kuruta, bhāṣiṣye iti .

evam, bhadanta iti khalu te bhikṣavaḥ bhagavataḥ pratyaśrauṣuḥ . bhagavān etad avocat —

tadyathā api, bhikṣavaḥ, puruṣaḥ adhvānamārgapratipannaḥ . saḥ paśyet mahāntam udakārṇavam, avāratīraṃ sāśaṅkaṃ sapratibhayam, pāratīraṃ kṣemam apratibhayam ; na ca asya nauḥ saṃtāraṇī uttaraśetuḥ vā apārāt pāraṃ gamanāya . tasya evaṃ syāt — ayaṃ khalu mahodakārṇavaḥ, avāratīraṃ sāśaṅkaṃ sapratibhayam, pāratīraṃ kṣemam apratibhayam ; na asti ca nauḥ saṃtāraṇī uttaraśetuḥ vā apārāt pāraṃ gamanāya . yat nūnam ahaṃ tṛṇakāṣṭhaśākhāpalāśaṃ saṃkṛṣya, kullaṃ baddhvā, taṃ kullaṃ niśritya hastābhyāṃ ca pādābhyāṃ ca vyāyamamānaḥ svasti pāram uttareyam iti . atha khalu saḥ, bhikṣavaḥ, puruṣaḥ tṛṇakāṣṭhaśākhāpalāśaṃ saṃkṛṣya, kullaṃ baddhvā taṃ kullaṃ niśritya hastābhyāṃ ca pādābhyāṃ ca vyāyamamānaḥ svasti pāram uttaret . tasya puruṣasya uttīrṇasya pāraṃgatasya evaṃ syāt — bahukāraḥ khalu me ayaṃ kullaḥ ; imam ahaṃ kullaṃ niśritya hastābhyāṃ ca pādābhyāṃ ca vyāyamamānaḥ svasti pāram uttīrṇaḥ . yat nūnam aham imaṃ kullaṃ śirasi vā āropya skandhe vā udhṛtya yena kāmaṃ prakrāmeyam iti .

tat kiṃ manyadhve, bhikṣavaḥ, api nu saḥ puruṣaḥ evaṃkārī tasmin kulle kṛtyakārī syāt iti ?

no etat, bhadanta .

kathaṃkārī ca saḥ, bhikṣavaḥ, puruṣaḥ tasmin kulle kṛtyakārī syāt ? iha, bhikṣavaḥ, tasya puruṣasya uttīrṇasya pāraṃgatasya evaṃ syāt — bahukāraḥ khalu me ayaṃ kullaḥ ; imam ahaṃ kullaṃ niśritya hastābhyāṃ ca pādābhyāṃ ca vyāyamamānaḥ svasti pāram uttīrṇaḥ . yat nūnam aham imaṃ kullaṃ sthale vā utsādya udake vā plāvayitvā yena kāmaṃ prakrāmeyam iti . evaṃkārī khalu saḥ, bhikṣavaḥ, puruṣaḥ tasmin kulle kṛtyakārī syāt .

evam eva khalu, bhikṣavaḥ, kullopamaḥ mayā dharmaḥ deśitaḥ nistaraṇārthāya, no grahaṇārthāya . kullopamo vaḥ, bhikṣavaḥ, dharmo deśitaḥ, ājānadbhiḥ dharmāḥ api vaḥ prahātavyāḥ prāgeva adharmāḥ .

ṣaṭ imāni, bhikṣavaḥ, dṛṣṭisthānāni . katamāni ṣaṭ ? iha, bhikṣavaḥ, aśrutavān pṛthagjanaḥ āryāṇām adarśī āryadharmasya akovidaḥ āryadharme avinītaḥ, satpuruṣāṇām adarśī satpuruṣadharmasya akovidaḥ satpuruṣadharme avinītaḥ, rūpam etat mama, eṣaḥ aham asmi, eṣaḥ me ātmā iti samanupaśyati ; vedanām etat mama, eṣaḥ aham asmi, eṣaḥ me ātmā iti samanupaśyati ; saṃjñām etat mama, eṣaḥ aham asmi, eṣaḥ me ātmā iti samanupaśyati ; saṃskārān etat mama, eṣaḥ aham asmi, eṣaḥ me ātmā iti samanupaśyati ; yad api tad dṛṣṭaṃ śrutaṃ mataṃ vijñātaṃ prāptaṃ paryeṣitam, anuvicaritaṃ manasā tad api etat mama, eṣaḥ aham asmi, eṣaḥ me ātmā iti samanupaśyati ; yad api tad dṛṣṭisthānam — saḥ lokaḥ saḥ ātmā, saḥ pretya bhaviṣyāmi nityaḥ dhruvaḥ śāśvataḥ avipariṇāmadharmā, śāśvatasamaṃ tathā eva sthāsyāmi iti — tad api etat mama, eṣaḥ aham asmi, eṣaḥ me ātmā iti samanupaśyati .

śrutavān ca khalu, bhikṣavaḥ, āryaśrāvakaḥ āryāṇāṃ darśī āryadharmasya kovidaḥ āryadharme suvinītaḥ, satpuruṣāṇāṃ darśī satpuruṣadharmasya kovidaḥ satpuruṣadharme suvinītaḥ, rūpam na etat mama, na eṣaḥ aham asmi, na me eṣaḥ ātmā iti samanupaśyati ; vedanām na etat mama, na eṣaḥ aham asmi, na me eṣaḥ ātmā iti samanupaśyati ; saṃjñām na etat mama, na eṣaḥ aham asmi, na me eṣaḥ ātmā iti samanupaśyati ; saṃskārān na etat mama, na eṣaḥ aham asmi, na me eṣaḥ ātmā iti samanupaśyati ; yad api tad dṛṣṭaṃ śrutaṃ mataṃ vijñātaṃ prāptaṃ paryeṣitam, anuvicaritaṃ manasā, tad api na etat mama, na eṣaḥ aham asmi, na me eṣaḥ ātmā iti samanupaśyati ; yad api tad dṛṣṭisthānam — saḥ lokaḥ saḥ ātmā, saḥ pretya bhaviṣyāmi nityaḥ dhruvaḥ śāśvataḥ avipariṇāmadharmā, śāśvatasamaṃ tathā eva sthāsyāmi iti — tad api na etat mama, na eṣaḥ aham asmi, na me eṣaḥ ātmā iti samanupaśyati .

saḥ evaṃ samanupaśyan asati na paritrasyati iti .

evam ukte, anyatamaḥ bhikṣuḥ bhagavantam etad avocat — syāt nu khalu, bhadanta, bahirdhā asati paritrasanā iti ?

syāt, bhikṣo iti — bhagavān avocat . iha bhikṣo kasyacit evaṃ bhavati — abhūt vata me, tat vata me na asti ; syāt vata me, tat vata ahaṃ na labhe iti . saḥ śocati klāmyati paridevate urastāḍaṃ krandati saṃmoham āpadyate . evaṃ khalu, bhikṣo, bahirdhā asati paritrasanā bhavati iti .

syāt punaḥ, bhadanta, bahirdhā asati aparitrasanā iti ?

syāt, bhikṣo iti — bhagavān avocat . iha bhikṣo kasyacit na evaṃ bhavati — abhūt vata me, tat vata me na asti ; syāt vata me, tat vata ahaṃ na labhe iti . saḥ na śocati na klāmyati na paridevate na urastāḍaṃ krandati na saṃmoham āpadyate . evaṃ khalu, bhikṣo, bahirdhā asati aparitrasanā bhavati iti .

syāt nu khalu, bhadanta, adhyātmam asati paritrasanā iti ?

syāt, bhikṣo iti — bhagavān avocat . iha, bhikṣo, kasyacit evaṃ dṛṣṭiḥ bhavati — saḥ lokaḥ saḥ ātmā, saḥ pretya bhaviṣyāmi nityaḥ dhruvaḥ śāśvataḥ avipariṇāmadharmā, śāśvatasamaṃ tathā eva sthāsyāmi iti . saḥ śṛṇoti tathāgatasya vā tathāgataśrāvakasya vā sarveṣāṃ dṛṣṭisthānādhiṣṭhānaparyutthānābhiniveśānuśayānāṃ samudghātāya sarvasaṃskāraśamathāya sarvopadhipratiniḥsargāya tṛṣṇākṣayāya virāgāya nirodhāya nirvāṇāya dharmaṃ deśayataḥ . tasya evaṃ bhavati — ucchetsye nāma asu, vinaṅkṣyāmi nāma asu, na asu nāma bhaviṣyāmi iti . saḥ śocati klāmyati paridevate urastāḍaṃ krandati saṃmoham āpadyate . evaṃ khalu, bhikṣo, adhyātmam asati paritrasanā bhavati iti .

syāt punaḥ, bhadanta, adhyātmam asati aparitrasanā iti ?

syāt, bhikṣo iti bhagavān avocat . iha, bhikṣo, kasyacit na evaṃ dṛṣṭiḥ bhavati — saḥ lokaḥ saḥ ātmā, saḥ pretya bhaviṣyāmi nityaḥ dhruvaḥ śāśvataḥ avipariṇāmadharmā, śāśvatasamaṃ tathā eva sthāsyāmi iti . saḥ śṛṇoti tathāgatasya vā tathāgataśrāvakasya vā sarveṣāṃ dṛṣṭisthānādhiṣṭhānaparyutthānābhiniveśānuśayānāṃ samudghātāya sarvasaṃskāraśamathāya sarvopadhipratiniḥsargāya tṛṣṇākṣayāya virāgāya nirodhāya nirvāṇāya dharmaṃ deśayataḥ . tasya na evaṃ bhavati — ucchetsye nāma asu, vinaṅkṣyāmi nāma asu, na asu nāma bhaviṣyāmi iti . saḥ na śocati na klāmyati na paridevate na urastāḍaṃ krandati na saṃmoham āpadyate . evaṃ khalu, bhikṣo, adhyātmam asati aparitrasanā bhavati .

taṃ, bhikṣavaḥ, parigrahaṃ parigṛhṇīyāta, yaḥ asya parigrahaḥ nityaḥ dhruvaḥ śāśvataḥ avipariṇāmadharmā, śāśvatasamaṃ tathā eva tiṣṭhet . paśyatha nu yūyam, bhikṣavaḥ, taṃ parigrahaṃ yaḥ asya parigrahaḥ nityaḥ dhruvaḥ śāśvataḥ avipariṇāmadharmā, śāśvatasamaṃ tathā eva tiṣṭhet iti ?

no etat, bhadanta .

sādhu, bhikṣavaḥ . aham api khalu tam, bhikṣavaḥ, parigrahaṃ na samanupaśyāmi yaḥ asya parigrahaḥ nityaḥ dhruvaḥ śāśvataḥ avipariṇāmadharmā śāśvatasamaṃ tathā eva tiṣṭhet .

tam, bhikṣavaḥ, ātmavādopādānam upādadīdhvam, yad asya ātmavādopādānam upādadānena na utpadyeran śokaparidevaduḥkhadaurmanasyopāyāsāḥ . paśyatha nu yūyam, bhikṣavaḥ, tam ātmavādopādānaṃ yad asya ātmavādopādānam upādadānena na utpadyeran śokaparidevaduḥkhadaurmanasyopāyāsāḥ iti ?

no etat, bhadanta .

sādhu, bhikṣavaḥ . aham api khalu tam, bhikṣavaḥ, ātmavādopādānaṃ na samanupaśyāmi yad asya ātmavādopādānam upādadānena na utpadyeran śokaparidevaduḥkhadaurmanasyopāyāsāḥ .

taṃ, bhikṣavaḥ, dṛṣṭiniśrayaṃ niśrayeta yad asya dṛṣṭiniśrayaṃ niśrayatā na utpadyeran śokaparidevaduḥkhadaurmanasyopāyāsāḥ . paśyatha nu yūyam, bhikṣavaḥ, taṃ dṛṣṭiniśrayaṃ yad asya dṛṣṭiniśrayaṃ niśrayatā na utpadyeran śokaparidevaduḥkhadaurmanasyopāyāsāḥ iti ?

no etat, bhadanta .

sādhu, bhikṣavaḥ . aham api khalu tam, bhikṣavaḥ, dṛṣṭiniśrayaṃ na samanupaśyāmi yad asya dṛṣṭiniśrayaṃ niśrayatā na utpadyeran śokaparidevaduḥkhadaurmanasyopāyāsāḥ .

ātmani vā, bhikṣavaḥ, sati ātmīyaṃ me iti syāt iti ?

evam, bhadanta .

ātmīye vā, bhikṣavaḥ, sati ātmā me iti syāt iti ?

evam, bhadanta .

ātmani ca, bhikṣavaḥ, ātmīye ca satyataḥ sthirataḥ anupalabhyamāne, yad api tad dṛṣṭisthānam — saḥ lokaḥ saḥ ātmā, saḥ pretya bhaviṣyāmi nityaḥ dhruvaḥ śāśvataḥ avipariṇāmadharmā, śāśvatasamaṃ tathā eva sthāsyāmi iti — na nu ayam, bhikṣavaḥ, kevalaḥ paripūrṇaḥ bāladharmaḥ iti ?

kiṃ hi na syāt, bhadanta, kevalaḥ hi, bhadanta, paripūrṇaḥ bāladharmaḥ iti .

tat kiṃ manyadhve, bhikṣavaḥ, rūpaṃ nityaṃ vā anityaṃ vā iti ?

anityam, bhadanta .

yat punar anityaṃ duḥkhaṃ vā tat sukhaṃ vā iti ?

duḥkham, bhadanta .

yat punar anityaṃ duḥkham vipariṇāmadharmā, kalyāṇaṃ nu tat samanupaśyitum — etat mama, eṣaḥ aham asmi, eṣaḥ me ātmā iti ?

no etat, bhadanta .

tat kiṃ manyadhve, bhikṣavaḥ, vedanā … saṃjñā … saṃskārāḥ … vijñānaṃ nityaṃ vā anityaṃ vā iti ?

anityam, bhadanta .

yat punar anityaṃ duḥkhaṃ vā tat sukhaṃ vā iti ?

duḥkham, bhadanta .

yat punar anityaṃ duḥkham vipariṇāmadharmā, kalyāṇaṃ nu tat samanupaśyitum — etat mama, eṣaḥ aham asmi, eṣaḥ me ātmā iti ?

no etat, bhadanta .

tasmāt iha, bhikṣavaḥ, yat kiṃcit rūpam atītānāgatapratyutpannam, adhyātmaṃ vā bahirdhā vā, audārikaṃ vā sūkṣmaṃ vā, hīnaṃ vā praṇītaṃ vā, yad dūre antike vā, sarvaṃ rūpam na etat mama, na eṣaḥ aham asmi, na me eṣaḥ ātmā iti — evam etad yathābhūtaṃ samyakprajñayā draṣṭavyam . yā kācit vedanā … yā kācit saṃjñā … ye kecit saṃskārāḥ … yat kiṃcit vijñānam atītānāgatapratyutpannam, adhyātmaṃ vā bahirdhā vā, audārikaṃ vā sūkṣmaṃ vā, hīnaṃ vā praṇītaṃ vā, yad dūre antike vā, sarvaṃ vijñānam na etat mama, na eṣaḥ aham asmi, na me eṣaḥ ātmā iti — evam etad yathābhūtaṃ samyakprajñayā draṣṭavyam .

evaṃ paśyan, bhikṣavaḥ, śrutavān āryaśrāvakaḥ rūpasmin nirvidyate, vedanāyāṃ nirvidyate, saṃjñāyāṃ nirvidyate, saṃskāreṣu nirvidyate, vijñānasmin nirvidyate, nirvidā virajyate, virāgāt vimucyate, vimukte vimuktam iti jñānaṃ bhavati .

kṣīṇā jātiḥ, uṣitaṃ brahmacaryam, kṛtaṃ karaṇīyam, na aparam itthatvāya iti prajānāti .

ayam ucyate, bhikṣavaḥ, bhikṣuḥ utkṣiptaparighaḥ iti api, saṃkīrṇaparikhaḥ iti api, ābūḍhaiṣikaḥ iti api, nirargalaḥ iti api, āryaḥ pannadhvajaḥ pannabhāraḥ visaṃyuktaḥ iti api .

kathaṃ ca, bhikṣavaḥ, bhikṣuḥ utkṣiptaparighaḥ bhavati ? iha, bhikṣavaḥ, bhikṣoḥ avidyā prahīṇā bhavati, ucchinnamūlā tālavastukṛtā anabhāvaṃkṛtā, āyatim anutpādadharmā . evaṃ khalu, bhikṣavaḥ, bhikṣuḥ utkṣiptaparighaḥ bhavati .

kathaṃ ca, bhikṣavaḥ, bhikṣuḥ saṃkīrṇaparikhaḥ bhavati ? iha, bhikṣavaḥ, bhikṣoḥ paunarbhavikaḥ jātisaṃsāraḥ prahīṇaḥ bhavati, ucchinnamūlaḥ tālavastukṛtaḥ anabhāvaṃkṛtaḥ, āyatim anutpādadharmā . evaṃ khalu, bhikṣavaḥ, bhikṣuḥ saṃkīrṇaparikhaḥ bhavati .

kathaṃ ca, bhikṣavaḥ, bhikṣuḥ ābūḍhaiṣikaḥ bhavati ? iha, bhikṣavaḥ, bhikṣoḥ tṛṣṇā prahīṇā bhavati, ucchinnamūlā tālavastukṛtā anabhāvaṃkṛtā, āyatim anutpādadharmā . evaṃ khalu, bhikṣavaḥ, bhikṣuḥ ābūḍhaiṣikaḥ bhavati .

kathaṃ ca, bhikṣavaḥ, bhikṣuḥ nirargalaḥ bhavati ? iha, bhikṣavaḥ, bhikṣoḥ pañca avarabhāgīyāni saṃyojanāni prahīṇāni bhavanti, ucchinnamūlāni tālavastukṛtāni anabhāvaṃkṛtāni, āyatim anutpādadharmāṇi . evaṃ khalu, bhikṣavaḥ, bhikṣuḥ nirargalaḥ bhavati .

kathaṃ ca, bhikṣavaḥ, bhikṣuḥ āryaḥ pannadhvajaḥ pannabhāraḥ visaṃyuktaḥ bhavati ? iha, bhikṣavaḥ, bhikṣoḥ asmimānaḥ prahīṇaḥ bhavati, ucchinnamūlaḥ tālavastukṛtaḥ anabhāvaṃkṛtaḥ, āyatim anutpādadharmā . evaṃ khalu, bhikṣavaḥ, bhikṣuḥ āryaḥ pannadhvajaḥ pannabhāraḥ visaṃyuktaḥ bhavati .

evaṃ vimuktacittaṃ khalu, bhikṣavaḥ, bhikṣuṃ sendrāḥ devāḥ sabrahmakāḥ saprajāpatikāḥ anviṣyantaḥ na adhigacchanti — idaṃ niśritaṃ tathāgatasya vijñānam iti . tat kasya hetoḥ ? dṛṣṭe eva aham, bhikṣavaḥ, dharme tathāgatam ananuvidyaḥ iti vadāmi .

evaṃvādinaṃ khalu mām, bhikṣavaḥ, evamākhyāyinam eke śramaṇabrāhmaṇāḥ asatā tucchā mṛṣā abhūtena abhyācakṣate — vainayikaḥ śramaṇaḥ gautamaḥ, sataḥ sattvasya ucchedaṃ vināśaṃ vibhavaṃ prajñāpayati iti . yathā ca aham na, bhikṣavaḥ, yathā ca aham na vadāmi, tathā māṃ te bhavantaḥ śramaṇabrāhmaṇāḥ asatā tucchā mṛṣā abhūtena abhyācakṣate — vainayikaḥ śramaṇaḥ gautamaḥ, sataḥ sattvasya ucchedaṃ vināśaṃ vibhavaṃ prajñāpayati iti . pūrvaṃ ca aham, bhikṣavaḥ, etarhi ca duḥkhaṃ ca eva prajñāpayāmi, duḥkhasya ca nirodham . tatra cet, bhikṣavaḥ, pare tathāgatam ākrośanti paribhāṣante roṣayanti viheṣayanti, tatra, bhikṣavaḥ, tathāgatasya na bhavati āghātaḥ na apratyayaḥ na cetasaḥ anabhirāddhiḥ .

tatra cet, bhikṣavaḥ, pare tathāgataṃ satkurvanti gurukurvanti mānayanti pūjayanti, tatra, bhikṣavaḥ, tathāgatasya na bhavati ānandaḥ na saumanasyaṃ na cetasaḥ utplāvitatvam . tatra cet, bhikṣavaḥ, pare vā tathāgataṃ satkurvanti gurukurvanti mānayanti pūjayanti, tatra, bhikṣavaḥ, tathāgatasya evaṃ bhavati — yat khalu idaṃ pūrvaṃ parijñātaṃ tatra me evaṃrūpāḥ kārāḥ kriyante iti .

tasmāt iha, bhikṣavaḥ, yūyaṃ cet api pare ākrośeyuḥ paribhāṣeyuḥ roṣayeyuḥ viheṣayeyuḥ, tatra yuṣmābhiḥ hi na āghātaḥ na apratyayaḥ na cetasaḥ anabhirāddhiḥ karaṇīyā . tasmāt iha, bhikṣavaḥ, yūyaṃ cet api pare satkuryuḥ gurukuryuḥ mānayeyuḥ pūjayeyuḥ, tatra yuṣmābhiḥ na ānandaḥ na saumanasyaṃ na cetasaḥ utplāvitatvaṃ karaṇīyam . tasmāt iha, bhikṣavaḥ, yūyaṃ cet api pare satkuryuḥ gurukuryuḥ mānayeyuḥ pūjayeyuḥ, tatra yuṣmākam evaṃ syāt — yat khalu idaṃ pūrvaṃ parijñātam, tatra me evaṃrūpāḥ kārāḥ kriyante iti .

tasmāt iha, bhikṣavaḥ, yat na yuṣmākaṃ tat prajahīta ; tat vaḥ prahīṇaṃ dīrgharātraṃ hitāya sukhāya bhaviṣyati .

kiṃ ca, bhikṣavaḥ, na yuṣmākam ? rūpam, bhikṣavaḥ, na yuṣmākam, tat prajahīta ; tat vaḥ prahīṇaṃ dīrgharātraṃ hitāya sukhāya bhaviṣyati .

vedanā, bhikṣavaḥ, na yuṣmākam, tām prajahīta ; sā vaḥ prahīṇā dīrgharātraṃ hitāya sukhāya bhaviṣyati . saṃjñā, bhikṣavaḥ, na yuṣmākam, tām prajahīta ; sā vaḥ prahīṇā dīrgharātraṃ hitāya sukhāya bhaviṣyati . saṃskārāḥ, bhikṣavaḥ, na yuṣmākam, tān prajahīta ; te vaḥ prahīṇāḥ dīrgharātraṃ hitāya sukhāya bhaviṣyanti . vijñānam, bhikṣavaḥ, na yuṣmākam, tat prajahīta ; tat vaḥ prahīṇaṃ dīrgharātraṃ hitāya sukhāya bhaviṣyati .

tat kiṃ manyadhve, bhikṣavaḥ, yad asmin jetavane tṛṇakāṣṭhaśākhāpalāśam, taj janaḥ haret vā dahet vā yathāpratyayaṃ vā kuryāt . api nu yuṣmākam evaṃ syāt — asmān janaḥ harati vā dahati vā yathāpratyayaṃ vā karoti iti ?

no etat, bhadanta . tat kasya hetoḥ ? na hi naḥ etat, bhadanta, ātmā vā ātmīyaṃ vā iti .

evam eva khalu, bhikṣavaḥ, yat na yuṣmākaṃ tat prajahīta ; tat vaḥ prahīṇaṃ dīrgharātraṃ hitāya sukhāya bhaviṣyati . kiṃ ca, bhikṣavaḥ, na yuṣmākam ? rūpam, bhikṣavaḥ, na yuṣmākam, tat prajahīta ; tat vaḥ prahīṇaṃ dīrgharātraṃ hitāya sukhāya bhaviṣyati . vedanā, bhikṣavaḥ … saṃjñā, bhikṣavaḥ … saṃskārāḥ, bhikṣavaḥ … vijñānam, bhikṣavaḥ, na yuṣmākam, tat prajahīta ; tat vaḥ prahīṇaṃ dīrgharātraṃ hitāya sukhāya bhaviṣyati .

evaṃ svākhyātaḥ, bhikṣavaḥ, mayā dharmaḥ uttānaḥ vivṛtaḥ prakāśitaḥ chinnapilotikaḥ . evaṃ svākhyāte, bhikṣavaḥ, mayā dharme uttāne vivṛte prakāśite chinnapilotike ye te bhikṣavaḥ arhantaḥ kṣīṇāsravāḥ uṣitavantaḥ kṛtakaraṇīyāḥ avahitabhārāḥ anuprāptasadarthāḥ parikṣīṇabhavasaṃyojanāḥ samyagājñāvimuktāḥ, vṛttaṃ teṣāṃ na asti prajñāpanāya .

evaṃ svākhyātaḥ, bhikṣavaḥ, mayā dharmaḥ uttānaḥ vivṛtaḥ prakāśitaḥ chinnapilotikaḥ . evaṃ svākhyāte, bhikṣavaḥ, mayā dharme uttāne vivṛte prakāśite chinnapilotike yeṣāṃ bhikṣūṇāṃ pañca avarabhāgīyāni saṃyojanāni prahīṇāni, sarve te aupapātikāḥ, tatra parinirvāyiṇaḥ, anāvṛttidharmāṇaḥ tasmāt lokāt .

evaṃ svākhyātaḥ, bhikṣavaḥ, mayā dharmaḥ uttānaḥ vivṛtaḥ prakāśitaḥ chinnapilotikaḥ . evaṃ svākhyāte, bhikṣavaḥ, mayā dharme uttāne vivṛte prakāśite chinnapilotike yeṣāṃ bhikṣūṇāṃ trīṇi saṃyojanāni prahīṇāni, rāgadveṣamohāḥ tanubhūtāḥ, sarve te sakṛdāgāminaḥ, sakṛd eva imaṃ lokam āgatya duḥkhasyāntaṃ kariṣyanti .

evaṃ svākhyātaḥ, bhikṣavaḥ, mayā dharmaḥ uttānaḥ vivṛtaḥ prakāśitaḥ chinnapilotikaḥ . evaṃ svākhyāte, bhikṣavaḥ, mayā dharme uttāne vivṛte prakāśite chinnapilotike yeṣāṃ bhikṣūṇāṃ trīṇi saṃyojanāni prahīṇāni, sarve te srotaāpannāḥ, avinipātadharmāṇaḥ, niyatāḥ saṃbodhiparāyaṇaḥ .

evaṃ svākhyātaḥ, bhikṣavaḥ, mayā dharmaḥ uttānaḥ vivṛtaḥ prakāśitaḥ chinnapilotikaḥ . evaṃ svākhyāte, bhikṣavaḥ, mayā dharme uttāne vivṛte prakāśite chinnapilotike ye te bhikṣavaḥ dharmānusāriṇaḥ śraddhānusāriṇaḥ sarve te saṃbodhiparāyaṇāḥ .

evaṃ svākhyātaḥ, bhikṣavaḥ, mayā dharmaḥ uttānaḥ vivṛtaḥ prakāśitaḥ chinnapilotikaḥ . evaṃ svākhyāte, bhikṣavaḥ, mayā dharme uttāne vivṛte prakāśite chinnapilotike yeṣāṃ mayi śraddhāmātraṃ premamātraṃ sarve te svargaparāyaṇāḥ iti .

idam avocat bhagavān . āttamanasaḥ te bhikṣavaḥ bhagavataḥ bhāṣitam abhyanandiṣuḥ .

alagardopamasūtraṃ niṣṭhitaṃ dvitīyam .