madhyamanikāyaḥ 29 - mahāsāropamasūtram

evaṃ mayā śrutam — ekasmin samaye bhagavān rājagṛhe viharati sma gṛdhrakūṭe parvate aciraprakrānte devadatte . tatra khalu bhagavān devadattam ārabhya bhikṣūn āmantrayata —

iha, bhikṣavaḥ, kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena āttamanāḥ bhavati paripūrṇasaṃkalpaḥ . saḥ tena lābhasatkāraślokena ātmānam utkarṣayati paraṃ avamanyate — aham asmi lābhasatkāraślokavān, ime punaḥ anye bhikṣavaḥ aprajñātāḥ alpeśākhyāḥ iti . saḥ tena lābhasatkāraślokena mādyati pramādyati pramādam āpadyate, pramattaḥ samānaḥ duḥkhaṃ viharati .

tadyathā api, bhikṣavaḥ, puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram atikramya phalguṃ atikramya tvacam atikramya parpaṭikām, śākhāpalāśam chittvā ādāya prakrāmet sāram iti manyamānaḥ . tam enaṃ cakṣuṣmān puruṣaḥ dṛṣṭvā evaṃ vadet — na vata ayaṃ bhavān puruṣaḥ ajñāsīt sāram, na ajñāsīt phalguṃ, na ajñāsīt tvacam, na ajñāsīt parpaṭikām, na ajñāsīt śākhāpalāśam . tathā hi ayaṃ bhavān puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram atikramya phalguṃ atikramya tvacam atikramya parpaṭikām, śākhāpalāśam chittvā ādāya prakrāntaḥ sāram iti manyamānaḥ . yat ca asya sāreṇa sārakaraṇīyaṃ tat ca asya arthaṃ na anubhaviṣyati iti .

evam eva khalu, bhikṣavaḥ, iha kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena āttamanāḥ bhavati paripūrṇasaṃkalpaḥ . saḥ tena lābhasatkāraślokena ātmānam utkarṣayati, paraṃ avamanyate — aham asmi lābhasatkāraślokavān, ime punaḥ anye bhikṣavaḥ aprajñātāḥ alpeśākhyāḥ iti . saḥ tena lābhasatkāraślokena mādyati pramādyati pramādam āpadyate, pramattaḥ samānaḥ duḥkhaṃ viharati . ayam ucyate, bhikṣavaḥ, bhikṣuḥ śākhāpalāśam agrahīt brahmacaryasya ; tena ca avasānam āpādi .

iha punar, bhikṣavaḥ, kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate . apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati paripūrṇasaṃkalpaḥ . saḥ tayā śīlasaṃpadayā ātmānam utkarṣayati, paraṃ avamanyate — aham asmi śīlavān kalyāṇadharmaḥ, ime punaḥ anye bhikṣavaḥ duḥśīlāḥ pāpadharmāḥ iti . saḥ tayā śīlasaṃpadayā mādyati pramādyati pramādam āpadyate, pramattaḥ samānaḥ duḥkhaṃ viharati .

tadyathā api, bhikṣavaḥ, puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram atikramya phalguṃ atikramya tvacam, parpaṭikāṃ chittvā ādāya prakrāmet sāram iti manyamānaḥ . tam enaṃ cakṣuṣmān puruṣaḥ dṛṣṭvā evaṃ vadet — na vata ayaṃ bhavān puruṣaḥ ajñāsīt sāram, na ajñāsīt phalguṃ, na ajñāsīt tvacam, na ajñāsīt parpaṭikām, na ajñāsīt śākhāpalāśam . tathā hi ayaṃ bhavān puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram atikramya phalguṃ atikramya tvacam, parpaṭikāṃ chittvā ādāya prakrāntaḥ sāram iti manyamānaḥ ; yat ca asya sāreṇa sārakaraṇīyaṃ tat ca asya arthaṃ na anubhaviṣyati iti .

evam eva khalu, bhikṣavaḥ, iha kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate . apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati paripūrṇasaṃkalpaḥ . saḥ tayā śīlasaṃpadayā ātmānam utkarṣayati, paraṃ avamanyate — aham asmi śīlavān kalyāṇadharmaḥ, ime punaḥ anye bhikṣavaḥ duḥśīlāḥ pāpadharmāḥ iti . saḥ tayā śīlasaṃpadayā mādyati pramādyati pramādam āpadyate, pramattaḥ samānaḥ duḥkhaṃ viharati . ayam ucyate, bhikṣavaḥ, bhikṣuḥ parpaṭikām agrahīt brahmacaryasya ; tena ca avasānam āpādi .

iha punar, bhikṣavaḥ, kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate, apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati no ca khalu paripūrṇasaṃkalpaḥ . saḥ tayā śīlasaṃpadayā na ātmānam utkarṣayati, na paraṃ avamanyate . saḥ tayā śīlasaṃpadayā na mādyati na pramādyati na pramādam āpadyate . apramattaḥ samānaḥ samādhisaṃpadām ārādhayati . saḥ tayā samādhisaṃpadayā āttamanāḥ bhavati paripūrṇasaṃkalpaḥ . saḥ tayā samādhisaṃpadayā ātmānam utkarṣayati, paraṃ avamanyate — aham asmi samāhitaḥ ekāgracittaḥ, ime punaḥ anye bhikṣavaḥ asamāhitāḥ vibhrāntacittāḥ iti . saḥ tayā samādhisaṃpadayā mādyati pramādyati pramādam āpadyate, pramattaḥ samānaḥ duḥkhaṃ viharati .

tadyathā api, bhikṣavaḥ, puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram atikramya phalguṃ tvacaṃ chittvā ādāya prakrāmet sāram iti manyamānaḥ . tam enaṃ cakṣuṣmān puruṣaḥ dṛṣṭvā evaṃ vadet — na vata ayaṃ bhavān puruṣaḥ ajñāsīt sāram, na ajñāsīt phalguṃ, na ajñāsīt tvacam, na ajñāsīt parpaṭikām, na ajñāsīt śākhāpalāśam . tathā hi ayaṃ bhavān puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram atikramya phalguṃ tvacaṃ chittvā ādāya prakrāntaḥ sāram iti manyamānaḥ . yat ca asya sāreṇa sārakaraṇīyaṃ tat ca asya arthaṃ na anubhaviṣyati iti .

evam eva khalu, bhikṣavaḥ, iha kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate, apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati no ca khalu paripūrṇasaṃkalpaḥ . saḥ tayā śīlasaṃpadayā na ātmānam utkarṣayati, na paraṃ avamanyate . saḥ tayā śīlasaṃpadayā na mādyati na pramādyati na pramādam āpadyate, apramattaḥ samānaḥ samādhisaṃpadām ārādhayati . saḥ tayā samādhisaṃpadayā āttamanāḥ bhavati paripūrṇasaṃkalpaḥ . saḥ tayā samādhisaṃpadayā ātmānam utkarṣayati, paraṃ avamanyate — aham asmi samāhitaḥ ekāgracittaḥ, ime punaḥ anye bhikṣavaḥ asamāhitāḥ vibhrāntacittāḥ iti . saḥ tayā samādhisaṃpadayā mādyati pramādyati pramādam āpadyate, pramattaḥ samānaḥ duḥkhaṃ viharati . ayam ucyate, bhikṣavaḥ, bhikṣuḥ tvacam agrahīt brahmacaryasya ; tena ca avasānam āpādi .

iha punar, bhikṣavaḥ, kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate . apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā śīlasaṃpadayā na ātmānam utkarṣayati, na paraṃ avamanyate . saḥ tayā śīlasaṃpadayā na mādyati na pramādyati na pramādam āpadyate, apramattaḥ samānaḥ samādhisaṃpadām ārādhayati . saḥ tayā samādhisaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā samādhisaṃpadayā na ātmānam utkarṣayati, na paraṃ avamanyate . saḥ tayā samādhisaṃpadayā na mādyati na pramādyati na pramādam āpadyate apramattaḥ samānaḥ jñānadarśanam ārādhayati . saḥ tena jñānadarśanena āttamanāḥ bhavati paripūrṇasaṃkalpaḥ . saḥ tena jñānadarśanena ātmānam utkarṣayati, paraṃ avamanyate — aham asmi jānan paśyan viharāmi . ime punaḥ anye bhikṣavaḥ ajānantaḥ apaśyantaḥ viharanti iti . saḥ tena jñānadarśanena mādyati pramādyati pramādam āpadyate, pramattaḥ samānaḥ duḥkhaṃ viharati .

tadyathā api, bhikṣavaḥ, puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram phalguṃ chittvā ādāya prakrāmet sāram iti manyamānaḥ . tam enaṃ cakṣuṣmān puruṣaḥ dṛṣṭvā evaṃ vadet — na vata ayaṃ bhavān puruṣaḥ ajñāsīt sāram na ajñāsīt phalguṃ na ajñāsīt tvacaṃ na ajñāsīt parpaṭikāṃ na ajñāsīt śākhāpalāśam . tathā hi ayaṃ bhavān puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ atikramya eva sāram phalguṃ chittvā ādāya prakrāntaḥ sāram iti manyamānaḥ . yat ca asya sāreṇa sārakaraṇīyaṃ tat ca asya arthaṃ na anubhaviṣyati iti .

evam eva khalu, bhikṣavaḥ, iha kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate, apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā śīlasaṃpadayā na ātmānam utkarṣayati, na paraṃ avamanyate . saḥ tayā śīlasaṃpadayā na mādyati na pramādyati na pramādam āpadyate, apramattaḥ samānaḥ samādhisaṃpadām ārādhayati . saḥ tayā samādhisaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā samādhisaṃpadayā na ātmānam utkarṣayati, na paraṃ avamanyate . saḥ tayā samādhisaṃpadayā na mādyati na pramādyati na pramādam āpadyate, apramattaḥ samānaḥ jñānadarśanam ārādhayati . saḥ tena jñānadarśanena āttamanāḥ bhavati paripūrṇasaṃkalpaḥ . saḥ tena jñānadarśanena ātmānam utkarṣayati, paraṃ avamanyate — aham asmi jānan paśyan viharāmi, ime punaḥ anye bhikṣavaḥ ajānantaḥ apaśyantaḥ viharanti iti . saḥ tena jñānadarśanena mādyati pramādyati pramādam āpadyate, pramattaḥ samānaḥ duḥkhaṃ viharati . ayam ucyate, bhikṣavaḥ, bhikṣuḥ phalguṃ agrahīt brahmacaryasya ; tena ca avasānam āpādi .

iha punar, bhikṣavaḥ, kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati, na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate, apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā śīlasaṃpadayā na ātmānam utkarṣayati, na paraṃ avamanyate . saḥ tayā śīlasaṃpadayā na mādyati na pramādyati na pramādam āpadyate, apramattaḥ samānaḥ samādhisaṃpadām ārādhayati . saḥ tayā samādhisaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā samādhisaṃpadayā na ātmānam utkarṣayati, na paraṃ avamanyate . saḥ tayā samādhisaṃpadayā na mādyati na pramādyati na pramādam āpadyate, apramattaḥ samānaḥ jñānadarśanam ārādhayati . saḥ tena jñānadarśanena āttamanāḥ bhavati, no ca khalu paripūrṇasaṃkalpaḥ . saḥ tena jñānadarśanena na ātmānam utkarṣayati, na paraṃ avamanyate . saḥ tena jñānadarśanena na mādyati na pramādyati na pramādam āpadyate, apramattaḥ samānaḥ asamayavimokṣam ārādhayati . asthānam etat, bhikṣavaḥ, anavakāśaḥ yat saḥ bhikṣuḥ tayā asamayavimuktyā parihīyeta .

tadyathā api, bhikṣavaḥ, puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ sāram eva chittvā ādāya prakrāmet sāram iti jānan . tam enaṃ cakṣuṣmān puruṣaḥ dṛṣṭvā evaṃ vadet — ajñāsīt vata ayaṃ bhavān puruṣaḥ sāram, ajñāsīt phalguṃ, ajñāsīt tvacam, ajñāsīt parpaṭikām, ajñāsīt śākhāpalāśam . tathā hi ayaṃ bhavān puruṣaḥ sārārthikaḥ sāragaveṣī sāraparyeṣaṇāṃ caran mahataḥ vṛkṣasya tiṣṭhataḥ sāravataḥ sāram eva chittvā ādāya prakrāntaḥ sāram iti jānan . yat ca asya sāreṇa sārakaraṇīyaṃ tat ca asya artham anubhaviṣyati iti .

evam eva khalu, bhikṣavaḥ, iha kaścit kulaputraḥ śraddhayā agārāt anagārikāṃ pravrajitaḥ bhavati — avatīrṇaḥ asmi jātyā jarayā maraṇena śokaiḥ paridevaiḥ duḥkhaiḥ daurmanasyaiḥ upāyāsaiḥ, duḥkhāvatīrṇaḥ duḥkhaparetaḥ, api eva nāma asya kevalasya duḥkhaskandhasya antakriyā prajñāyeta iti . saḥ evaṃ pravrajitaḥ samānaḥ lābhasatkāraślokam abhinirvartayati . saḥ tena lābhasatkāraślokena na āttamanāḥ bhavati, na paripūrṇasaṃkalpaḥ . saḥ tena lābhasatkāraślokena na ātmānam utkarṣayati, na paraṃ avamanyate . saḥ tena lābhasatkāraślokena na mādyati na pramādyati na pramādam āpadyate, apramattaḥ samānaḥ śīlasaṃpadām ārādhayati . saḥ tayā śīlasaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā śīlasaṃpadayā na ātmānam utkarṣayati, na paraṃ avamanyate . saḥ tayā śīlasaṃpadayā na mādyati na pramādyati na pramādam āpadyate, apramattaḥ samānaḥ samādhisaṃpadām ārādhayati . saḥ tayā samādhisaṃpadayā āttamanāḥ bhavati, no ca khalu paripūrṇasaṃkalpaḥ . saḥ tayā samādhisaṃpadayā na ātmānam utkarṣayati, na paraṃ avamanyate . saḥ tayā samādhisaṃpadayā na mādyati na pramādyati na pramādam āpadyate, apramattaḥ samānaḥ jñānadarśanam ārādhayati . saḥ tena jñānadarśanena āttamanāḥ bhavati, no ca khalu paripūrṇasaṃkalpaḥ . saḥ tena jñānadarśanena na ātmānam utkarṣayati, na paraṃ avamanyate . saḥ tena jñānadarśanena na mādyati na pramādyati na pramādam āpadyate, apramattaḥ samānaḥ asamayavimokṣam ārādhayati . asthānam etat, bhikṣavaḥ, anavakāśaḥ yat saḥ bhikṣuḥ tayā asamayavimuktyā parihīyeta .

iti khalu, bhikṣavaḥ, na idaṃ brahmacaryaṃ lābhasatkāraślokānuśaṃsam, na śīlasaṃpadānuśaṃsam, na samādhisaṃpadānuśaṃsam, na jñānadarśanānuśaṃsam . yā ca khalu iyam, bhikṣavaḥ, akopyā cetovimuktiḥ — etadartham idam, bhikṣavaḥ, brahmacaryam, etat sāram etat paryavasānam iti .

idam avocat bhagavān . āttamanasaḥ te bhikṣavaḥ bhagavataḥ bhāṣitam abhyanandiṣuḥ .

mahāsāropamasūtraṃ niṣṭhitaṃ navamam .