madhyamanikāyaḥ 38 - mahātṛṣṇāsaṃkṣayasūtram

evaṃ mayā śrutam — ekasmin samaye bhagavān śrāvastyāṃ viharati sma jetavane anāthapiṇḍadasya ārāme .

tena khalu punaḥ samayena sāteḥ nāma bhikṣoḥ kaivartaputrasya evaṃrūpaṃ pāpakaṃ dṛṣṭigataṃ utpannam abhūt — tathā ahaṃ bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti .

aśrauṣuḥ khalu saṃbahulāḥ bhikṣavaḥ — sāteḥ kila nāma bhikṣoḥ kaivartaputrasya evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti . atha khalu te bhikṣavaḥ sātiṃ bhikṣuṃ kaivartaputram upasaṃcakramuḥ ; upasaṃkramya sātiṃ bhikṣuṃ kaivartaputram etad avocan — satyaṃ kila te, āyuṣman sāti, evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti ?

evam batā khalu aham, āyuṣmantaḥ, bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti .

atha khalu te bhikṣavaḥ sātiṃ bhikṣuṃ kaivartaputram etasmāt pāpakāt dṛṣṭigatāt vivecayitukāmāḥ samanvayuñjan samanvagāhanta samanvabhāṣanta — mā evam, āyuṣman sāti, vocaḥ, mā bhagavantam abhyācakṣīḥ, na hi sādhu bhagavataḥ abhyākhyānam, na hi bhagavān evaṃ vadet . anekaparyāyena, āyuṣman sāti, pratītyasamutpannaṃ vijñānam uktaṃ bhagavatā, anyatra pratyayāt na asti vijñānasya saṃbhavaḥ iti .

evam api khalu sātiḥ bhikṣuḥ kaivartaputraḥ taiḥ bhikṣubhiḥ samanuyuñjyamānaḥ samanugāhyamānaḥ samanubhāṣyamānaḥ tat eva pāpakaṃ dṛṣṭigataṃ sthāmasā parāmṛśya abhiniviśya vyavaharati sma — evam batā khalu aham, āyuṣmantaḥ, bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti .

yataḥ khalu te bhikṣavaḥ na aśaknuvan sātiṃ bhikṣuṃ kaivartaputram etasmāt pāpakāt dṛṣṭigatāt vivecayitum, atha khalu te bhikṣavaḥ bhagavantam upasaṃcakramuḥ ; upasaṃkramya bhagavantam abhivādya ekānte nyaṣīdan . ekānte niṣaṇṇāḥ khalu te bhikṣavaḥ bhagavantam etad avocan — sāteḥ nāma, bhadanta, bhikṣoḥ kaivartaputrasya evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti . aśrausma khalu vayam, bhadanta, sāteḥ kila nāma bhikṣoḥ kaivartaputrasya evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti . atha khalu vayam, bhadanta, sātim bhikṣum kaivartaputram upasaṃcakramāma ; upasaṃkramya sātiṃ bhikṣuṃ kaivartaputram etad avocāma — satyaṃ kila te, āyuṣman sāti, evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti ? evaṃ ukte, bhadanta, sātiḥ bhikṣuḥ kaivartaputraḥ asmān etad avocat — evam batā khalu aham, āyuṣmantaḥ, bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti . atha khalu vayam, bhadanta, sātiṃ bhikṣuṃ kaivartaputram etasmāt pāpakāt dṛṣṭigatāt vivecayitukāmāḥ samanvayuñjmahi samanvagāhismahi samanvabhāṣismahi — mā evam, āyuṣman sāti, vocaḥ, mā bhagavantam abhyācakṣīḥ, na hi sādhu bhagavataḥ abhyākhyānam, na hi bhagavān evaṃ vadet . anekaparyāyena, āyuṣman sāti, pratītyasamutpannaṃ vijñānam uktaṃ bhagavatā, anyatra pratyayāt na asti vijñānasya saṃbhavaḥ iti . evam api khalu, bhadanta, sātiḥ bhikṣuḥ kaivartaputraḥ asmābhiḥ samanuyuñjyamānaḥ samanugāhyamānaḥ samanubhāṣyamānaḥ tat eva pāpakaṃ dṛṣṭigataṃ sthāmasā parāmṛśya abhiniviśya vyavaharati — evam batā khalu aham, āyuṣmantaḥ, bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti . yataḥ khalu vayam, bhadanta, na aśaknuma sātiṃ bhikṣuṃ kaivartaputram etasmāt pāpakāt dṛṣṭigatāt vivecayitum, atha vayaṃ etam arthaṃ bhagavataḥ ārocayāmaḥ iti .

atha khalu bhagavān anyataraṃ bhikṣum āmantrayata — ehi tvaṃ bhikṣo, mama vacanena sātiṃ bhikṣuṃ kaivartaputram āmantraya — śāstā tvām, āyuṣman sāti, āmantrayate iti .

evam, bhadanta iti khalu saḥ bhikṣuḥ bhagavataḥ pratyaśrauṣīt sātim bhikṣuṃ kaivartaputram upasaṃcakrāma ; upasaṃkramya sātiṃ bhikṣuṃ kaivartaputram etad avocat — śāstā tvām, āyuṣman sāti, āmantrayate iti .

evam āyuṣman iti khalu sātiḥ bhikṣuḥ kaivartaputraḥ tasya bhikṣoḥ pratyaśrauṣīt bhagavantam upasaṃcakrāma ; upasaṃkramya bhagavantam abhivādya ekānte nyaṣīdat . ekānte niṣaṇṇaṃ khalu sātiṃ bhikṣuṃ kaivartaputraṃ bhagavān etad avocat — satyaṃ kila te, sāti, evaṃrūpaṃ pāpakaṃ dṛṣṭigataṃ utpannam — tathā ahaṃ bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti ?

evam batā khalu aham, bhadanta, bhagavatā dharmaṃ deśitam ājānāmi yathā tat eva idaṃ vijñānaṃ saṃdhāvati saṃsarati ananyat iti .

katamat tat, sāti, vijñānam iti ?

yaḥ ayam, bhadanta, vaktā vedayitā tatra tatra kalyāṇapāpakānāṃ karmaṇāṃ vipākaṃ pratisaṃvedayate iti .

kasya nu khalu nāma tvaṃ, moghapuruṣa, mayā evaṃ dharmaṃ deśitam ājānāsi ? na nu mayā, moghapuruṣa, anekaparyāyena pratītyasamutpannaṃ vijñānam uktam, anyatra pratyayāt na asti vijñānasya saṃbhavaḥ iti ? atha ca punaḥ tvaṃ, moghapuruṣa, ātmanā durgṛhītena asmān ca eva abhyācakṣīḥ, ātmānaṃ ca khanasi, bahu ca apuṇyaṃ prasavasi . tat hi te, moghapuruṣa, bhaviṣyati dīrgharātram ahitāya duḥkhāya iti .

atha khalu bhagavān bhikṣūn āmantrayata — tat kiṃ manyadhvam, bhikṣavaḥ, api nu ayaṃ sātiḥ bhikṣuḥ kaivartaputraḥ ūṣmīkṛtaḥ api asmin dharmavinaye iti ?

kiṃ hi syāt, bhadanta ? na u etad, bhadanta iti . evaṃ ukte, sātiḥ bhikṣuḥ kaivartaputraḥ tūṣṇīmbhūtaḥ maṅkubhūtaḥ srastaskandhaḥ adhomukhaḥ pradhyāyan apratibhānaḥ nyaṣīdat .

atha khalu bhagavān sātiṃ bhikṣuṃ kaivartaputraṃ tūṣṇīmbhūtaṃ maṅkubhūtaṃ srastaskandhaṃ adhomukhaṃ pradhyāyantam apratibhānaṃ viditvā sātiṃ bhikṣuṃ kaivartaputram etad avocat — prajñāsyase khalu tvaṃ, moghapuruṣa, etena svakena pāpakena dṛṣṭigatena . iha ahaṃ bhikṣūn pratiprakṣyāmi iti .

atha khalu bhagavān bhikṣūn āmantrayata — yūyam api me, bhikṣavaḥ, evaṃ dharmaṃ deśitam ājānītha yathā ayaṃ sātiḥ bhikṣuḥ kaivartaputraḥ ātmanā durgṛhītena asmān ca eva abhyācaṣṭe, ātmānaṃ ca khanati, bahu ca apuṇyaṃ prasavati iti ?

na u etad, bhadanta . anekaparyāyena hi naḥ, bhadanta, pratītyasamutpannaṃ vijñānam uktaṃ bhagavatā, anyatra pratyayāt na asti vijñānasya saṃbhavaḥ iti .

sādhu sādhu, bhikṣavaḥ . sādhu khalu me yūyam, bhikṣavaḥ, evaṃ dharmaṃ deśitam ājānītha . anekaparyāyena hi vaḥ, bhikṣavaḥ, pratītyasamutpannaṃ vijñānam uktaṃ mayā, anyatra pratyayāt na asti vijñānasya saṃbhavaḥ iti . atha ca punaḥ ayaṃ sātiḥ bhikṣuḥ kaivartaputraḥ ātmanā durgṛhītena asmān ca eva abhyācaṣṭe, ātmānaṃ ca khanati, bahu ca apuṇyaṃ prasavati . tat hi tasya moghapuruṣasya bhaviṣyati dīrgharātram ahitāya duḥkhāya .

yaṃ yat eva, bhikṣavaḥ, pratyayaṃ pratītya utpadyate vijñānam, tena tena eva vijñānam iti evaṃ saṃkhyāṃ gacchati . cakṣuḥ ca pratītya rūpaṃ ca utpadyate vijñānam, cakṣurvijñānam iti evaṃ saṃkhyāṃ gacchati ; śrotraṃ ca pratītya śabdaṃ ca utpadyate vijñānam, śrotravijñānam iti evaṃ saṃkhyāṃ gacchati ; ghrāṇaṃ ca pratītya gandhaṃ ca utpadyate vijñānam, ghrāṇavijñānam iti evaṃ saṃkhyāṃ gacchati ; jihvāṃ ca pratītya rasaṃ ca utpadyate vijñānam, jihvāvijñānam iti evaṃ saṃkhyāṃ gacchati ; kāyaṃ ca pratītya spraṣṭavyaṃ ca utpadyate vijñānam, kāyavijñānam iti evaṃ saṃkhyāṃ gacchati ; manaḥ ca pratītya dharmaṃ ca utpadyate vijñānam, manovijñānam iti evaṃ saṃkhyāṃ gacchati .

tadyathā api, bhikṣavaḥ, yaṃ yat eva pratyayaṃ pratītya agniḥ jvalati tena tena eva saṃkhyāṃ gacchati . kāṣṭhaṃ ca pratītya agniḥ jvalati, kāṣṭhāgniḥ iti evaṃ saṃkhyāṃ gacchati ; śakalaṃ ca pratītya agniḥ jvalati, śakalāgniḥ iti evaṃ saṃkhyāṃ gacchati ; tṛṇaṃ ca pratītya agniḥ jvalati, tṛṇāgniḥ iti evaṃ saṃkhyāṃ gacchati ; gomayaṃ ca pratītya agniḥ jvalati, gomayāgniḥ iti evaṃ saṃkhyāṃ gacchati ; tuṣaṃ ca pratītya agniḥ jvalati, tuṣāgniḥ iti evaṃ saṃkhyāṃ gacchati ; saṃkāraṃ ca pratītya agniḥ jvalati, saṃkārāgniḥ iti evaṃ saṃkhyāṃ gacchati .

evam eva khalu, bhikṣavaḥ, yaṃ yat eva pratyayaṃ pratītya utpadyate vijñānam, tena tena eva saṃkhyāṃ gacchati . cakṣuḥ ca pratītya rūpaṃ ca utpadyate vijñānam, cakṣurvijñānam iti evaṃ saṃkhyāṃ gacchati ; śrotraṃ ca pratītya śabdaṃ ca utpadyate vijñānam, śrotravijñānam iti evaṃ saṃkhyāṃ gacchati, ghrāṇaṃ ca pratītya gandhaṃ ca utpadyate vijñānam, ghrāṇavijñānam iti evaṃ saṃkhyāṃ gacchati, jihvāṃ ca pratītya rasaṃ ca utpadyate vijñānam, jihvāvijñānam iti evaṃ saṃkhyāṃ gacchati . kāyaṃ ca pratītya spraṣṭavyaṃ ca utpadyate vijñānam, kāyavijñānam iti evaṃ saṃkhyāṃ gacchati . manaḥ ca pratītya dharmaṃ ca utpadyate vijñānam, manovijñānam iti evaṃ saṃkhyāṃ gacchati .

bhūtam idam iti, bhikṣavaḥ, paśyatha iti ?

evam, bhadanta .

tadāhārasaṃbhavam iti, bhikṣavaḥ, paśyatha iti ?

evam, bhadanta .

tadāhāranirodhāt yad bhūtam, tat nirodhadharmam iti, bhikṣavaḥ, paśyatha iti ?

evam, bhadanta .

bhūtam idaṃ na u svit iti, bhikṣavaḥ, kāṅkṣataḥ utpadyate vicikitsā iti ?

evam, bhadanta .

tadāhārasaṃbhavaṃ na u svit iti, bhikṣavaḥ, kāṅkṣataḥ utpadyate vicikitsā iti ?

evam, bhadanta .

tadāhāranirodhāt yad bhūtam, tat nirodhadharmaṃ na u svit iti, bhikṣavaḥ, kāṅkṣataḥ utpadyate vicikitsā iti ?

evam, bhadanta .

bhūtam idam iti, bhikṣavaḥ, yathābhūtaṃ samyakprajñayā paśyataḥ yā vicikitsā sā prahīyate iti ?

evam, bhadanta .

tadāhārasaṃbhavam iti, bhikṣavaḥ, yathābhūtaṃ samyakprajñayā paśyataḥ yā vicikitsā sā prahīyate iti ?

evam, bhadanta .

tadāhāranirodhāt yad bhūtam, tat nirodhadharmam iti, bhikṣavaḥ, yathābhūtaṃ samyakprajñayā paśyataḥ yā vicikitsā sā prahīyate iti ?

evam, bhadanta .

bhūtam idam iti, bhikṣavaḥ, iti api vaḥ atra nirvicikitsā iti ?

evam, bhadanta .

tadāhārasaṃbhavam iti, bhikṣavaḥ, iti api vaḥ atra nirvicikitsā iti ?

evam, bhadanta .

tadāhāranirodhāt yad bhūtaṃ tat nirodhadharmam iti, bhikṣavaḥ, iti api vaḥ atra nirvicikitsā iti ?

evam, bhadanta .

bhūtam idam iti, bhikṣavaḥ, yathābhūtaṃ samyakprajñayā sudṛṣṭam iti ?

evam, bhadanta .

tadāhārasaṃbhavam iti, bhikṣavaḥ, yathābhūtaṃ samyakprajñayā sudṛṣṭam iti ?

evam, bhadanta .

tadāhāranirodhāt yad bhūtaṃ tat nirodhadharmam iti, bhikṣavaḥ, yathābhūtaṃ samyakprajñayā sudṛṣṭam iti ?

evam, bhadanta .

imāṃ cet yūyam, bhikṣavaḥ, dṛṣṭim evaṃ pariśuddhām evaṃ paryavadātām ālīyedhvaṃ kelāyedhvaṃ dhanāyedhvaṃ mamāyedhvam, api nu me yūyam, bhikṣavaḥ, kulyopamaṃ dharmaṃ deśitam ājānīdhvaṃ nistaraṇārthāya na u grahaṇārthāya iti ?

na u etad, bhadanta .

imāṃ cet yūyam, bhikṣavaḥ, dṛṣṭim evaṃ pariśuddhām evaṃ paryavadātāṃ na ālīyedhvaṃ na kelāyedhvaṃ na dhanāyedhvaṃ na mamāyedhvam, api nu me yūyam, bhikṣavaḥ, kulyopamaṃ dharmaṃ deśitam ājānīdhvaṃ nistaraṇārthāya na u grahaṇārthāya iti ?

evam, bhadanta .

catvāraḥ ime, bhikṣavaḥ, āhārāḥ bhūtānāṃ vā sattvānāṃ sthityai, saṃbhavaiṣiṇāṃ vā anugrahāya . katame catvāraḥ ? kavaḍīkāraḥ āhāraḥ audārikaḥ vā sūkṣmaḥ vā, sparśaḥ dvitīyaḥ, manaḥsaṃcetanā tṛtīyā, vijñānaṃ caturtham .

ime ca, bhikṣavaḥ, catvāraḥ āhārāḥ kiṃnidānāḥ kiṃsamudayāḥ kiṃjātikāḥ kiṃprabhavāḥ ? ime catvāraḥ āhārāḥ tṛṣṇānidānāḥ tṛṣṇāsamudayāḥ tṛṣṇājātikāḥ tṛṣṇāprabhavāḥ .

tṛṣṇā ca iyam, bhikṣavaḥ, kiṃnidānā kiṃsamudayā kiṃjātikā kiṃprabhavā ? tṛṣṇā vedanānidānā vedanāsamudayā vedanājātikā vedanāprabhavā .

vedanā ca iyam, bhikṣavaḥ, kiṃnidānā kiṃsamudayā kiṃjātikā kiṃprabhavā ? vedanā sparśanidānā sparśasamudayā sparśajātikā sparśaprabhavā .

sparśaḥ ca ayam, bhikṣavaḥ, kiṃnidānaḥ kiṃsamudayaḥ kiṃjātikaḥ kiṃprabhavaḥ ? sparśaḥ ṣaḍāyatananidānaḥ ṣaḍāyatanasamudayaḥ ṣaḍāyatanajātikaḥ ṣaḍāyatanaprabhavaḥ .

ṣaḍāyatanaṃ ca idam, bhikṣavaḥ, kiṃnidānaṃ kiṃsamudayaṃ kiṃjātikaṃ kiṃprabhavam ? ṣaḍāyatanaṃ nāmarūpanidānaṃ nāmarūpasamudayaṃ nāmarūpajātikaṃ nāmarūpaprabhavam .

nāmarūpaṃ ca idam, bhikṣavaḥ, kiṃnidānaṃ kiṃsamudayaṃ kiṃjātikaṃ kiṃprabhavam ? nāmarūpaṃ vijñānanidānaṃ vijñānasamudayaṃ vijñānajātikaṃ vijñānaprabhavam .

vijñānaṃ ca idam, bhikṣavaḥ, kiṃnidānaṃ kiṃsamudayaṃ kiṃjātikaṃ kiṃprabhavam ? vijñānaṃ saṃskāranidānaṃ saṃskārasamudayaṃ saṃskārajātikaṃ saṃskāraprabhavam .

saṃskārāḥ ca ime, bhikṣavaḥ, kiṃnidānāḥ kiṃsamudayāḥ kiṃjātikāḥ kiṃprabhavāḥ ? saṃskārāḥ avidyānidānāḥ avidyāsamudayāḥ avidyājātikāḥ avidyāprabhavāḥ .

iti khalu, bhikṣavaḥ, avidyāpratyayāḥ saṃskārāḥ, saṃskārapratyayaṃ vijñānam, vijñānapratyayaṃ nāmarūpam, nāmarūpapratyayaṃ ṣaḍāyatanam, ṣaḍāyatanapratyayaḥ sparśaḥ, sparśapratyayā vedanā, vedanāpratyayā tṛṣṇā, tṛṣṇāpratyayam upādānam, upādānapratyayaḥ bhavaḥ, bhavapratyayā jātiḥ, jātipratyayāḥ jarāmaraṇaṃ śokaparidevaduḥkhadaurmanasyopāyāsāḥ saṃbhavanti . evam etasya kevalasya duḥkhaskandhasya samudayaḥ bhavati .

jātipratyayaṃ jarāmaraṇam iti iti khalu punaḥ etad uktam ; jātipratyayaṃ nu khalu, bhikṣavaḥ, jarāmaraṇam, na u vā, kathaṃ vā atra bhavati iti ?

jātipratyayam, bhadanta, jarāmaraṇam ; evaṃ naḥ atra bhavati — jātipratyayaṃ jarāmaraṇam iti .

bhavapratyayā jātiḥ iti iti khalu punaḥ etad uktam ; bhavapratyayā nu khalu, bhikṣavaḥ, jātiḥ, na u vā, kathaṃ vā atra bhavati iti ? bhavapratyayā, bhadanta, jātiḥ ; evaṃ naḥ atra bhavati — bhavapratyayā jātiḥ iti .

upādānapratyayaḥ bhavaḥ iti iti khalu punaḥ etad uktam ; upādānapratyayaḥ nu khalu, bhikṣavaḥ, bhavaḥ, na u vā, kathaṃ vā atra bhavati iti ? upādānapratyayaḥ, bhadanta, bhavaḥ ; evaṃ naḥ atra bhavati — upādānapratyayaḥ bhavaḥ iti .

tṛṣṇāpratyayam upādānam iti iti khalu punaḥ etad uktam, tṛṣṇāpratyayaṃ nu khalu, bhikṣavaḥ, upādānam, na u vā, kathaṃ vā atra bhavati iti ? tṛṣṇāpratyayam, bhadanta, upādānam ; evaṃ naḥ atra bhavati — tṛṣṇāpratyayam upādānam iti .

vedanāpratyayā tṛṣṇā iti iti khalu punaḥ etad uktam ; vedanāpratyayā nu khalu, bhikṣavaḥ, tṛṣṇā, na u vā, kathaṃ vā atra bhavati iti ? vedanāpratyayā, bhadanta, tṛṣṇā ; evaṃ naḥ atra bhavati — vedanāpratyayā tṛṣṇā iti .

sparśapratyayā vedanā iti iti khalu punaḥ etad uktam ; sparśapratyayā nu khalu, bhikṣavaḥ, vedanā, na u vā, kathaṃ vā atra bhavati iti ? sparśapratyayā, bhadanta, vedanā ; evaṃ naḥ atra bhavati — sparśapratyayā vedanā iti .

ṣaḍāyatanapratyayaḥ sparśaḥ iti iti khalu punaḥ etad uktam ; ṣaḍāyatanapratyayaḥ nu khalu, bhikṣavaḥ, sparśaḥ, na u vā, kathaṃ vā atra bhavati iti ? ṣaḍāyatanapratyayaḥ, bhadanta, sparśaḥ ; evaṃ naḥ atra bhavati — ṣaḍāyatanapratyayaḥ sparśaḥ iti .

nāmarūpapratyayaṃ ṣaḍāyatanam iti iti khalu punaḥ etad uktam ; nāmarūpapratyayaṃ nu khalu, bhikṣavaḥ, ṣaḍāyatanam, na u vā, kathaṃ vā atra bhavati iti ? nāmarūpapratyayam, bhadanta, ṣaḍāyatanam ; evaṃ naḥ atra bhavati — nāmarūpapratyayaṃ ṣaḍāyatanam iti .

vijñānapratyayaṃ nāmarūpam iti iti khalu punaḥ etad uktam ; vijñānapratyayaṃ nu khalu, bhikṣavaḥ, nāmarūpam, na u vā, kathaṃ vā atra bhavati iti ? vijñānapratyayam, bhadanta, nāmarūpam ; evaṃ naḥ atra bhavati — vijñānapratyayaṃ nāmarūpam iti .

saṃskārapratyayaṃ vijñānam iti iti khalu punaḥ etad uktam ; saṃskārapratyayaṃ nu khalu, bhikṣavaḥ, vijñānam, na u vā, kathaṃ vā atra bhavati iti ? saṃskārapratyayam, bhadanta, vijñānam ; evaṃ naḥ atra bhavati — saṃskārapratyayaṃ vijñānam iti .

avidyāpratyayāḥ saṃskārāḥ iti iti khalu punaḥ etad uktam ; avidyāpratyayāḥ nu khalu, bhikṣavaḥ, saṃskārāḥ, na u vā, kathaṃ vā atra bhavati iti ?

avidyāpratyayāḥ, bhadanta, saṃskārāḥ ; evaṃ naḥ atra bhavati — avidyāpratyayāḥ saṃskārāḥ iti .

sādhu, bhikṣavaḥ . iti khalu, bhikṣavaḥ, yūyam api evaṃ vadatha, aham api evaṃ vadāmi — asmin sati idaṃ bhavati, asyotpādāt idam utpadyate, yad idam — avidyāpratyayāḥ saṃskārāḥ, saṃskārapratyayaṃ vijñānam, vijñānapratyayaṃ nāmarūpam, nāmarūpapratyayaṃ ṣaḍāyatanam, ṣaḍāyatanapratyayaḥ sparśaḥ, sparśapratyayā vedanā, vedanāpratyayā tṛṣṇā, tṛṣṇāpratyayam upādānam, upādānapratyayaḥ bhavaḥ, bhavapratyayā jātiḥ, jātipratyayāḥ jarāmaraṇaṃ śokaparidevaduḥkhadaurmanasyopāyāsāḥ saṃbhavanti . evam etasya kevalasya duḥkhaskandhasya samudayaḥ bhavati .

avidyāyāḥ tu eva aśeṣavirāganirodhāt saṃskāranirodhaḥ, saṃskāranirodhāt vijñānanirodhaḥ, vijñānanirodhāt nāmarūpanirodhaḥ, nāmarūpanirodhāt ṣaḍāyatananirodhaḥ, ṣaḍāyatananirodhāt sparśanirodhaḥ, sparśanirodhāt vedanānirodhaḥ, vedanānirodhāt tṛṣṇānirodhaḥ, tṛṣṇānirodhāt upādānanirodhaḥ, upādānanirodhāt bhavanirodhaḥ, bhavanirodhāt jātinirodhaḥ, jātinirodhāt jarāmaraṇaṃ śokaparidevaduḥkhadaurmanasyopāyāsāḥ nirudhyanti . evam etasya kevalasya duḥkhaskandhasya nirodhaḥ bhavati .

jātinirodhāt jarāmaraṇanirodhaḥ iti iti khalu punaḥ etad uktam ; jātinirodhāt nu khalu, bhikṣavaḥ, jarāmaraṇanirodhaḥ, na u vā, kathaṃ vā atra bhavati iti ?

jātinirodhāt, bhadanta, jarāmaraṇanirodhaḥ ; evaṃ naḥ atra bhavati — jātinirodhāt jarāmaraṇanirodhaḥ iti .

bhavanirodhāt jātinirodhaḥ iti iti khalu punaḥ etad uktam ; bhavanirodhāt nu khalu, bhikṣavaḥ, jātinirodhaḥ, na u vā, kathaṃ vā atra bhavati iti ? bhavanirodhāt, bhadanta, jātinirodhaḥ ; evaṃ naḥ atra bhavati — bhavanirodhāt jātinirodhaḥ iti .

upādānanirodhāt bhavanirodhaḥ iti iti khalu punaḥ etad uktam ; upādānanirodhāt nu khalu, bhikṣavaḥ, bhavanirodhaḥ, na u vā, kathaṃ vā atra bhavati iti ? upādānanirodhāt, bhadanta, bhavanirodhaḥ ; evaṃ naḥ atra bhavati — upādānanirodhāt bhavanirodhaḥ iti .

tṛṣṇānirodhāt upādānanirodhaḥ iti iti khalu punaḥ etad uktam ; tṛṣṇānirodhāt nu khalu, bhikṣavaḥ, upādānanirodhaḥ, na u vā, kathaṃ vā atra bhavati iti ? tṛṣṇānirodhāt, bhadanta, upādānanirodhaḥ ; evaṃ naḥ atra bhavati — tṛṣṇānirodhāt upādānanirodhaḥ iti .

vedanānirodhāt tṛṣṇānirodhaḥ iti iti khalu punaḥ etad uktam ; vedanānirodhāt nu khalu, bhikṣavaḥ, tṛṣṇānirodhaḥ, na u vā, kathaṃ vā atra bhavati iti ? vedanānirodhāt, bhadanta, tṛṣṇānirodhaḥ ; evaṃ naḥ atra bhavati — vedanānirodhāt tṛṣṇānirodhaḥ iti .

sparśanirodhāt vedanānirodhaḥ iti iti khalu punaḥ etad uktam ; sparśanirodhāt nu khalu, bhikṣavaḥ, vedanānirodhaḥ, na u vā, kathaṃ vā atra bhavati iti ? sparśanirodhāt, bhadanta, vedanānirodhaḥ ; evaṃ naḥ atra bhavati — sparśanirodhāt vedanānirodhaḥ iti .

ṣaḍāyatananirodhāt sparśanirodhaḥ iti iti khalu punaḥ etad uktam ; ṣaḍāyatananirodhāt nu khalu, bhikṣavaḥ, sparśanirodhaḥ, na u vā, kathaṃ vā atra bhavati iti ? ṣaḍāyatananirodhāt, bhadanta, sparśanirodhaḥ ; evaṃ naḥ atra bhavati — ṣaḍāyatananirodhāt sparśanirodhaḥ iti .

nāmarūpanirodhāt ṣaḍāyatananirodhaḥ iti iti khalu punaḥ etad uktam ; nāmarūpanirodhāt nu khalu, bhikṣavaḥ, ṣaḍāyatananirodhaḥ, na u vā, kathaṃ vā atra bhavati iti ? nāmarūpanirodhāt, bhadanta, ṣaḍāyatananirodhaḥ ; evaṃ naḥ atra bhavati — nāmarūpanirodhāt ṣaḍāyatananirodhaḥ iti . vijñānanirodhāt nāmarūpanirodhaḥ iti iti khalu punaḥ etad uktam ; vijñānanirodhāt nu khalu, bhikṣavaḥ, nāmarūpanirodhaḥ, na u vā, kathaṃ vā atra bhavati iti ?

vijñānanirodhāt, bhadanta, nāmarūpanirodhaḥ ; evaṃ naḥ atra bhavati — vijñānanirodhāt nāmarūpanirodhaḥ iti . saṃskāranirodhāt vijñānanirodhaḥ iti iti khalu punaḥ etad uktam ; saṃskāranirodhāt nu khalu, bhikṣavaḥ, vijñānanirodhaḥ, na u vā, kathaṃ vā atra bhavati iti ? saṃskāranirodhāt, bhadanta, vijñānanirodhaḥ ; evaṃ naḥ atra bhavati — saṃskāranirodhāt vijñānanirodhaḥ iti .

avidyānirodhāt saṃskāranirodhaḥ iti iti khalu punaḥ etad uktam ; avidyānirodhāt nu khalu, bhikṣavaḥ, saṃskāranirodhaḥ, na u vā, kathaṃ vā atra bhavati iti ?

avidyānirodhāt, bhadanta, saṃskāranirodhaḥ ; evaṃ naḥ atra bhavati — avidyānirodhāt saṃskāranirodhaḥ iti .

sādhu, bhikṣavaḥ . iti khalu, bhikṣavaḥ, yūyam api evaṃ vadatha, aham api evaṃ vadāmi — asmin asati idaṃ na bhavati, asya nirodhāt idaṃ nirudhyate, yad idam — avidyānirodhāt saṃskāranirodhaḥ, saṃskāranirodhāt vijñānanirodhaḥ, vijñānanirodhāt nāmarūpanirodhaḥ, nāmarūpanirodhāt ṣaḍāyatananirodhaḥ, ṣaḍāyatananirodhāt sparśanirodhaḥ, sparśanirodhāt vedanānirodhaḥ, vedanānirodhāt tṛṣṇānirodhaḥ, tṛṣṇānirodhāt upādānanirodhaḥ, upādānanirodhāt bhavanirodhaḥ, bhavanirodhāt jātinirodhaḥ, jātinirodhāt jarāmaraṇaṃ śokaparidevaduḥkhadaurmanasyopāyāsāḥ nirudhyanti . evam etasya kevalasya duḥkhaskandhasya nirodhaḥ bhavati .

api nu yūyam, bhikṣavaḥ, evaṃ jānantaḥ evaṃ paśyantaḥ pūrvāntaṃ vā pratidhāveyata — abhūma nu khalu vayam atītam adhvānam, na nu khalu abhūma atītam adhvānam, kiṃ nu khalu abhūma atītam adhvānam, kathaṃ nu khalu abhūma atītam adhvānam, kiṃ bhūtvā kim abhūma nu khalu vayam atītam adhvānam iti ?

na u etad, bhadanta .

api nu yūyam, bhikṣavaḥ, evaṃ jānantaḥ evaṃ paśyantaḥ aparāntaṃ vā pratidhāveyata — bhaviṣyāmaḥ nu khalu vayam anāgatam adhvānam, na nu khalu bhaviṣyāmaḥ anāgatam adhvānam, kiṃ nu khalu bhaviṣyāmaḥ anāgatam adhvānam, kathaṃ nu khalu bhaviṣyāmaḥ anāgatam adhvānam, kiṃ bhūtvā kiṃ bhaviṣyāmaḥ nu khalu vayam anāgatam adhvānam iti ?

na u etad, bhadanta .

api nu yūyam, bhikṣavaḥ, evaṃ jānantaḥ evaṃ paśyantaḥ etarhi vā pratyutpannam adhvānam adhyātmaṃ kathaṃkathinaḥ syāta — ahaṃ nu khalu asmi, na nu khalu asmi, kiṃ nu khalu asmi, kathaṃ nu khalu asmi, ayaṃ nu khalu sattvaḥ kutaḥ āgataḥ, saḥ kutragāmī bhaviṣyati iti ?

na u etad, bhadanta .

api nu yūyam, bhikṣavaḥ, evaṃ jānantaḥ evaṃ paśyantaḥ evaṃ vadeyata — śāstā naḥ guruḥ, śāstṛgauraveṇa ca vayam evaṃ vadāmaḥ iti ?

na u etad, bhadanta .

api nu yūyam, bhikṣavaḥ, evaṃ jānantaḥ evaṃ paśyantaḥ evaṃ vadeyata — śramaṇaḥ evam āha, śramaṇāḥ ca nāma vayam evaṃ vadāmaḥ iti ?

na u etad, bhadanta .

api nu yūyam, bhikṣavaḥ, evaṃ jānantaḥ evaṃ paśyantaḥ anyaṃ śāstāram uddiśeyata iti ?

na u etad, bhadanta .

api nu yūyam, bhikṣavaḥ, evaṃ jānantaḥ evaṃ paśyantaḥ yāni tāni pṛthagjanaśramaṇabrāhmaṇānāṃ vratakautūhalamaṅgalāni tāni sārataḥ pratyāgaccheyata iti ?

na u etad, bhadanta .

na nu, bhikṣavaḥ, yat eva yuṣmākaṃ svayaṃ jñātaṃ svayaṃ dṛṣṭaṃ svayaṃ viditam, tat eva yūyaṃ vadatha iti .

evam, bhadanta .

sādhu, bhikṣavaḥ, upanītāḥ khalu me yūyam, bhikṣavaḥ, anena sāṃdṛṣṭikena dharmeṇa akālikena ehipaśyikena aupanāyikena pratyātmaṃ veditavyena vijñaiḥ . sāṃdṛṣṭikaḥ ayam, bhikṣavaḥ, dharmaḥ akālikaḥ ehipaśyikaḥ aupanāyikaḥ pratyātmaṃ veditavyaḥ vijñaiḥ — iti yat tat uktam, idam etat pratītya uktam iti .

trayāṇāṃ khalu punaḥ, bhikṣavaḥ, saṃnipātāt garbhāvakrāntiḥ bhavati . iha mātāpitarau ca saṃnipatitau bhavataḥ, mātā ca na ṛtumatī bhavati, gandharvaḥ ca na pratyupasthitaḥ bhavati, na eva tāvat garbhāvakrāntiḥ bhavati . iha mātāpitarau ca saṃnipatitau bhavataḥ, mātā ca ṛtumatī bhavati, gandharvaḥ ca na pratyupasthitaḥ bhavati, na eva tāvat garbhāvakrāntiḥ bhavati . yataḥ ca khalu, bhikṣavaḥ, mātāpitarau ca saṃnipatitau bhavataḥ, mātā ca ṛtumatī bhavati, gandharvaḥ ca pratyupasthitaḥ bhavati — evaṃ trayāṇāṃ saṃnipātāt garbhāvakrāntiḥ bhavati .

tam enam, bhikṣavaḥ, mātā nava vā daśa vā māsān garbhaṃ kukṣiṇā pariharati mahatā saṃśayena gurubhāram . tam enam, bhikṣavaḥ, mātā navānāṃ vā daśānāṃ vā māsānām atyayena vijāyate mahatā saṃśayena gurubhāram . tam enaṃ jātaṃ samānaṃ svakena lohitena poṣayati . lohitaṃ hi etat, bhikṣavaḥ, āryasya vinaye yad idaṃ mātustanyam .

saḥ khalu saḥ, bhikṣavaḥ, kumāraḥ vṛddhim anvāya indriyāṇāṃ paripākam anvāya yāni tāni kumārakāṇāṃ krīḍāpanakāni taiḥ krīḍati, tadyathā — vaṅkakaṃ ghaṭikāṃ mokṣacikaṃ ciṅgulakaṃ pattrāḍhakaṃ rathakaṃ dhanuṣkam .

saḥ khalu saḥ, bhikṣavaḥ, kumāraḥ vṛddhim anvāya indriyāṇāṃ paripākam anvāya pañcabhiḥ kāmaguṇaiḥ samarpitaḥ samaṅgībhūtaḥ paricārayati — cakṣurvijñeyaiḥ rūpaiḥ iṣṭaiḥ kāntaiḥ manojñaiḥ priyarūpaiḥ kāmopasaṃhitaiḥ rajanīyaiḥ,

śrotravijñeyaiḥ śabdaiḥ …

ghrāṇavijñeyaiḥ gandhaiḥ …

jihvāvijñeyaiḥ rasaiḥ …

kāyavijñeyaiḥ spraṣṭavyaiḥ iṣṭaiḥ kāntaiḥ manojñaiḥ priyarūpaiḥ kāmopasaṃhitaiḥ rajanīyaiḥ .

saḥ cakṣuṣā rūpaṃ dṛṣṭvā priyarūpe rūpe saṃrajyate, apriyarūpe rūpe vyāpadyate, anupasthitakāyasmṛtiḥ ca viharati parīttacetāḥ . tāṃ ca cetovimuktiṃ prajñāvimuktiṃ yathābhūtaṃ na prajānāti yatrāsya te pāpakāḥ akuśalāḥ dharmāḥ apariśeṣāḥ nirudhyanti .

saḥ evam anurodhavirodhaṃ samāpannaḥ yāṃ kāṃcit vedanāṃ vedayate sukhāṃ vā duḥkhāṃ vā aduḥkhāsukhāṃ vā, saḥ tāṃ vedanām abhinandati abhivadati adhyavasāya tiṣṭhati . tasya tāṃ vedanām abhinandataḥ abhivadataḥ adhyavasāya tiṣṭhataḥ utpadyate nandī . yā vedanāsu nandī tad upādānam, tasyopādānapratyayaḥ bhavaḥ, bhavapratyayā jātiḥ, jātipratyayāḥ jarāmaraṇaṃ śokaparidevaduḥkhadaurmanasyopāyāsāḥ saṃbhavanti . evam etasya kevalasya duḥkhaskandhasya samudayaḥ bhavati .

śrotreṇa śabdaṃ śrutvā …

ghrāṇena gandhaṃ ghrātvā …

jihvayā rasaṃ svādayitvā …

kāyena spraṣṭavyaṃ spṛṣṭvā …

manasā dharmaṃ vijñāya priyarūpe dharme saṃrajyate, apriyarūpe dharme vyāpadyate, anupasthitakāyasmṛtiḥ ca viharati parīttacetāḥ . tāṃ ca cetovimuktiṃ prajñāvimuktiṃ yathābhūtaṃ na prajānāti yatrāsya te pāpakāḥ akuśalāḥ dharmāḥ apariśeṣāḥ nirudhyanti .

saḥ evam anurodhavirodhaṃ samāpannaḥ yāṃ kāṃcit vedanāṃ vedayate sukhāṃ vā duḥkhāṃ vā aduḥkhāsukhāṃ vā, saḥ tāṃ vedanām abhinandati abhivadati adhyavasāya tiṣṭhati . tasya tāṃ vedanām abhinandataḥ abhivadataḥ adhyavasāya tiṣṭhataḥ utpadyate nandī . yā vedanāsu nandī tad upādānam, tasyopādānapratyayaḥ bhavaḥ, bhavapratyayā jātiḥ, jātipratyayāḥ jarāmaraṇaṃ śokaparidevaduḥkhadaurmanasyopāyāsāḥ saṃbhavanti . evam etasya kevalasya duḥkhaskandhasya samudayaḥ bhavati .

iha, bhikṣavaḥ, tathāgataḥ loke utpadyate arhan samyaksambuddhaḥ vidyācaraṇasaṃpannaḥ sugataḥ lokavid anuttaraḥ puruṣadamyasārathiḥ śāstā devamanuṣyāṇāṃ buddhaḥ bhagavān . saḥ imaṃ lokaṃ sadevakaṃ samārakaṃ sabrahmakaṃ saśramaṇabrāhmaṇīṃ prajāṃ sadevamanuṣyāṃ svayam abhijñāya sākṣātkṛtya pravedayati . saḥ dharmaṃ deśayati ādikalyāṇaṃ madhyekalyāṇaṃ paryavasānakalyāṇaṃ sārthaṃ savyañjanam ; kevalaparipūrṇaṃ pariśuddhaṃ brahmacaryaṃ prakāśayati .

taṃ dharmaṃ śṛṇoti gṛhapatiḥ vā gṛhapatiputraḥ vā anyatarasmin vā kule pratyājātaḥ . saḥ taṃ dharmaṃ śrutvā tathāgate śraddhāṃ pratilabhate . saḥ tena śraddhāpratilābhena samanvitaḥ iti pratisaṃcakṣate — saṃbādhaḥ gṛhāvāsaḥ rajapathaḥ, abhyavakāśaḥ pravrajyā . na idaṃ sukaraṃ agāram adhyāvasatā ekāntaparipūrṇam ekāntapariśuddhaṃ śaṅkhalikhitaṃ brahmacaryaṃ caritum . yat nūnam ahaṃ keśaśmaśru avatārya, kāṣāyāni vastrāṇi ācchādya, agārāt anagārikāṃ pravrajeyam iti . saḥ apareṇa samayena alpaṃ vā bhogaskandhaṃ prahāya, mahāntaṃ vā bhogaskandhaṃ prahāya, alpaṃ vā jñātiparivartaṃ prahāya, mahāntaṃ vā jñātiparivartaṃ prahāya, keśaśmaśru avatārya, kāṣāyāni vastrāṇi ācchādya, agārāt anagārikāṃ pravrajati .

saḥ evaṃ pravrajitaḥ samānaḥ bhikṣūṇāṃ śikṣāsājīvasamāpannaḥ prāṇātipātaṃ prahāya prāṇātipātāt prativirataḥ bhavati, nihitadaṇḍaḥ nihitaśastraḥ lajjī dayāpannaḥ sarvaprāṇabhūtahitānukampī viharati .

adattādānaṃ prahāya adattādānāt prativirataḥ bhavati, dattādāyī dattapratīkāṅkṣī astenaḥ śucibhūtena ātmanā viharati .

abrahmacaryaṃ prahāya brahmacārī bhavati, ārāccārī virataḥ maithunāt grāmadharmāt .

mṛṣāvādaṃ prahāya mṛṣāvādāt prativirataḥ bhavati, satyavādī satyasaṃdhaḥ sthitaḥ pratyayikaḥ avisaṃvādakaḥ lokasya .

piśunāṃ vācaṃ prahāya piśunāyāḥ vācaḥ prativirataḥ bhavati — itaḥ śrutvā na amutra ākhyātā eṣāṃ bhedāya, amutra vā śrutvā na amīṣām ākhyātā amīṣāṃ bhedāya . iti bhinnānāṃ vā saṃdhātā, sahitānāṃ vā anupradātā samagrārāmaḥ samagrarataḥ samagranandī, samagrakaraṇīṃ vācaṃ bhāṣitā bhavati .

paruṣāṃ vācaṃ prahāya paruṣāyāḥ vācaḥ prativirataḥ bhavati — yā sā vācā nelaḥ karṇasukhā premanīyā hṛdaṅgamā paurī bahujanakāntā bahujanamanojñā tathārūpīṃ vācaṃ bhāṣitā bhavati .

saṃbhinnapralāpaṃ prahāya saṃbhinnapralāpāt prativirataḥ bhavati, kālavādī bhūtavādī arthavādī dharmavādī vinayavādī, nidhānavatīṃ vācaṃ bhāṣitā kālena, sāpadeśāṃ paryantavatīm arthasaṃhitām .

saḥ bījagāmabhūtagāmasamārambhāt prativirataḥ bhavati, ekabhaktikaḥ bhavati rātryuparatiḥ, virataḥ vikālabhojanāt . nṛtyagītavāditavisūkadarśanāt prativirataḥ bhavati, mālāgandhavilepanadhāraṇamaṇḍanavibhūṣaṇasthānāt prativirataḥ bhavati, uccāśayanamahāśayanāt prativirataḥ bhavati, jātarūparajatapratigrahaṇāt prativirataḥ bhavati, āmakadhānyapratigrahaṇāt prativirataḥ bhavati, āmakamāṃsapratigrahaṇāt prativirataḥ bhavati, strīkumārīpratigrahaṇāt prativirataḥ bhavati, dāsīdāsapratigrahaṇāt prativirataḥ bhavati, ajaiḍakapratigrahaṇāt prativirataḥ bhavati, kukkkuṭasūkarapratigrahaṇāt prativirataḥ bhavati, hastigavāśvabaḍavāpratigrahaṇāt prativirataḥ bhavati, kṣetravāstupratigrahaṇāt prativirataḥ bhavati, dautyaprahiṇagamanānuyogāt prativirataḥ bhavati, krayavikrayāt prativirataḥ bhavati, tulākūṭakāṃsyakūṭamānakūṭāt prativirataḥ bhavati, utkoṭanavañcananikṛtisāciyogāt prativirataḥ bhavati, chedanavadhabaṃdhanaviparāmarśālāpasāhasākārāt prativirataḥ bhavati .

saḥ saṃtuṣṭhaḥ bhavati kāyaparihārikeṇa cīvareṇa kukṣiparihārikeṇa piṇḍapātena . saḥ yena yena eva prakrāmati samādāya eva prakrāmati . tadyathā api nāma pakṣī śakuniḥ yena yena eva ḍayate sapatrabhāraḥ eva ḍayate ; evam eva bhikṣuḥ saṃtuṣṭhaḥ bhavati kāyaparihārikeṇa cīvareṇa, kukṣiparihārikeṇa piṇḍapātena . saḥ yena yena eva prakrāmati samādāya eva prakrāmati . saḥ anena āryeṇa śīlaskandhena samanvitaḥ adhyātman anavadyasukhaṃ pratisaṃvedayate .

saḥ cakṣuṣā rūpaṃ dṛṣṭvā na nimittagrāhī bhavati na anuvyañjanagrāhī . yadvādhikaraṇam enaṃ cakṣurindriyam asaṃvṛtaṃ viharantam abhidhyādaurmanasyāḥ pāpakāḥ akuśalāḥ dharmāḥ anvāsraveyuḥ tasya saṃvarāya pratipadyate, rakṣati cakṣurindriyam, cakṣurindriye saṃvaram āpadyate .

śrotreṇa śabdaṃ śrutvā …

ghrāṇena gandhaṃ ghrātvā …

jihvayā rasaṃ svādayitvā …

kāyena spraṣṭavyaṃ spṛṣṭvā …

manasā dharmaṃ vijñāya na nimittagrāhī bhavati na anuvyañjanagrāhī . yadvādhikaraṇam enaṃ mana-indriyam asaṃvṛtaṃ viharantam abhidhyādaurmanasyāḥ pāpakāḥ akuśalāḥ dharmāḥ anvāsraveyuḥ tasya saṃvarāya pratipadyate, rakṣati mana-indriyam, mana-indriye saṃvaram āpadyate . saḥ anena āryeṇa indriyasaṃvareṇa samanvitaḥ adhyātmam avyāsekasukhaṃ pratisaṃvedayate .

saḥ abhikrānte pratikrānte saṃprajānakārī bhavati, ālokite vilokite saṃprajānakārī bhavati, samiñjite prasārite saṃprajānakārī bhavati, saṃghāṭīpātracīvaradhāraṇe saṃprajānakārī bhavati, aśite pīte khādite svādite saṃprajānakārī bhavati, uccāraprasrāvakarmani saṃprajānakārī bhavati, gate sthite niṣaṇṇe supte jāgarite bhāṣite tūṣṇīṃbhāve saṃprajānakārī bhavati .

saḥ anena ca āryeṇa śīlaskandhena samanvitaḥ, anayā ca āryayā saṃtuṣṭyā samanvitaḥ, anena ca āryeṇa indriyasaṃvareṇa samanvitaḥ, anena ca āryeṇa smṛtisaṃprajanyena samanvitaḥ, viviktaṃ śayanāsanaṃ bhajati — araṇyaṃ vṛkṣamūlaṃ parvataṃ kandaraṃ giriguhāṃ śmaśānaṃ vanaprastham abhyavakāśaṃ palālapuñjam .

saḥ paścādbhaktam piṇḍapātapratikrāntaḥ niṣīdati paryaṅkam ābhujya, ṛjuṃ kāyaṃ praṇidhāya, parimukhaṃ smṛtim upasthāpya . saḥ abhidhyāṃ loke prahāya vigatābhidhyena cetasā viharati, abhidhyāyāḥ cittaṃ pariśodhayati ; vyāpādapradoṣaṃ prahāya avyāpannacittaḥ viharati, sarvaprāṇabhūtahitānukampī, vyāpādapradoṣāt cittaṃ pariśodhayati ; styānamiddhaṃ prahāya vigatastyānamiddhaḥ viharati ālokasaṃjñī, smṛtimān saṃprajānan, styānamiddhāt cittaṃ pariśodhayati ; auddhatyakaukṛtyaṃ prahāya anuddhataḥ viharati adhyātmaṃ vyupaśāntacittaḥ, auddhatyakaukṛtyāt cittaṃ pariśodhayati ; vicikitsāṃ prahāya tīrṇavicikitsaḥ viharati akathaṃkathī kuśaleṣu dharmeṣu, vicikitsāyāḥ cittaṃ pariśodhayati .

saḥ imāni pañca nīvaraṇāni prahāya cetasaḥ upakleśān prajñāyāḥ durbalīkaraṇān, vivicya eva kāmebhyaḥ vivicya akuśalebhyaḥ dharmebhyaḥ savitarkaṃ savicāraṃ vivekajaṃ prītisukhaṃ prathamaṃ dhyānam upasaṃpadya viharati . punaḥ ca aparaṃ, bhikṣavaḥ, bhikṣuḥ vitarkavicārāṇāṃ vyupaśamāt adhyātmaṃ saṃprasādanaṃ cetasaḥ ekāgrībhāvam avitarkam avicāraṃ samādhijaṃ prītisukhaṃ dvitīyaṃ dhyānam … tṛtīyaṃ dhyānam … caturthaṃ dhyānam upasaṃpadya viharati .

saḥ cakṣuṣā rūpaṃ dṛṣṭvā priyarūpe rūpe na saṃrajyate, apriyarūpe rūpe na vyāpadyate, upasthitakāyasmṛtiḥ ca viharati apramāṇacetāḥ . tāṃ ca cetovimuktiṃ prajñāvimuktiṃ yathābhūtaṃ prajānāti yatrāsya te pāpakāḥ akuśalāḥ dharmāḥ apariśeṣāḥ nirudhyanti .

saḥ evam anurodhavirodhaviprahīṇaḥ yāṃ kāṃcit vedanāṃ vedayate, sukhāṃ vā duḥkhāṃ vā aduḥkhāsukhāṃ vā, saḥ tāṃ vedanāṃ na abhinandati na abhivadati na adhyavasāya tiṣṭhati . tasya tāṃ vedanām anabhinandataḥ anabhivadataḥ anadhyavasāya tiṣṭhataḥ yā vedanāsu nandī sā nirudhyate . tasya nandīnirodhāt upādānanirodhaḥ, upādānanirodhāt bhavanirodhaḥ, bhavanirodhāt jātinirodhaḥ, jātinirodhāt jarāmaraṇaṃ śokaparidevaduḥkhadaurmanasyopāyāsāḥ nirudhyanti . evam etasya kevalasya duḥkhaskandhasya nirodhaḥ bhavati .

śrotreṇa śabdaṃ śrutvā …

ghrāṇena gandhaṃ ghrātvā …

jihvayā rasaṃ svādayitvā …

kāyena spraṣṭavyaṃ spṛṣṭvā …

manasā dharmaṃ vijñāya priyarūpe dharme na saṃrajyate, apriyarūpe dharme na vyāpadyate, upasthitakāyasmṛtiḥ ca viharati apramāṇacetāḥ, tāṃ ca cetovimuktiṃ prajñāvimuktiṃ yathābhūtaṃ prajānāti yatrāsya te pāpakāḥ akuśalāḥ dharmāḥ apariśeṣāḥ nirudhyanti .

saḥ evam anurodhavirodhaviprahīṇaḥ yāṃ kāṃcit vedanāṃ vedayate, sukhāṃ vā duḥkhāṃ vā aduḥkhāsukhāṃ vā, saḥ tāṃ vedanāṃ na abhinandati na abhivadati na adhyavasāya tiṣṭhati . tasya tāṃ vedanām anabhinandataḥ anabhivadataḥ anadhyavasāya tiṣṭhataḥ yā vedanāsu nandī sā nirudhyate . tasya nandīnirodhāt upādānanirodhaḥ, upādānanirodhāt bhavanirodhaḥ, bhavanirodhāt jātinirodhaḥ, jātinirodhāt jarāmaraṇaṃ śokaparidevaduḥkhadaurmanasyopāyāsāḥ nirudhyanti . evam etasya kevalasya duḥkhaskandhasya nirodhaḥ bhavati .

imāṃ khalu me yūyam, bhikṣavaḥ, saṃkṣiptena tṛṣṇāsaṃkṣayavimuktiṃ dhārayata, sātiṃ punar bhikṣuṃ kaivartaputraṃ mahātṛṣṇājālatṛṣṇāsaṃghāṭapratimuktam iti .

idam avocat bhagavān . āttamanasaḥ te bhikṣavaḥ bhagavataḥ bhāṣitam abhyanandiṣuḥ .

mahātṛṣṇāsaṃkṣayasūtraṃ niṣṭhitam aṣṭamam .