MĀ44 smṛtisūtram

[Translated originally from the Sanskrit Sarvāstivāda Madhyamāgama to Classical Chinese by a team led by Sarvāstivāda scholar Gautama Saṃghadeva of Kāśmīra in 398CE.
Translated from the Chinese Taisho Tripiṭaka back to Sanskrit by Ramakrishnan Suryanarayanan in 2024-26.]

madhyamāgame'bhyāsasaṃyuktavarge smṛtisūtraṃ tṛtīyam.

evaṃ mayā śrutam. ekasminsamaye bhagavāñchrāvastyāṃ viharati sma jetavane'nāthapiṇḍadasyārāme.

tasminsamaye bhagavānbhikṣūnāmantrayata—yadi bhikṣurmuṣitasmṛtirasamprajāno bhavati, sa samyaksmṛtisamprajanyamupahanti. asati samyaksmṛtisamprajanye, sa indriyasaṃvaraṃ śīlasaṃvaramavipratisāraṃ prāmodyaṃ prītiṃ praśrabdhiṃ sukhaṃ samādhiṃ yathābhūtajñānadarśanaṃ nirvedaṃ virāgaṃ vimuktiṃ copahanti. asatyāṃ vimuktau, sa nirvāṇamupahanti.

yadi bhikṣuramuṣitasmṛtiḥ samprajāno bhavati, sa samyaksmṛtisamprajanyaṃ paripūrayati. sati samyaksmṛtisamprajanye, sa indriyasaṃvaraṃ śīlasaṃvaramavipratisāraṃ prāmodyaṃ prītiṃ praśrabdhiṃ sukhaṃ samādhiṃ yathābhūtajñānadarśanaṃ nirvedaṃ virāgaṃ vimuktiṃ ca paripūrayati. satyāṃ vimuktau, sa nirvāṇaṃ paripūrayati.

idamavocadbhagavān. āttamanasaste bhikṣavo bhagavato bhāṣitamabhyanandan.

smṛtisūtraṃ tṛtīyaṃ samāptam.