MĀ45 hryapatrāpyasūtram

[Translated originally from the Sanskrit Sarvāstivāda Madhyamāgama to Classical Chinese by a team led by Sarvāstivāda scholar Gautama Saṃghadeva of Kāśmīra in 398CE.
Translated from the Chinese Taisho Tripiṭaka back to Sanskrit by Ramakrishnan Suryanarayanan in 2024-26.]

madhyamāgame'bhyāsasaṃyuktavarge hryapatrāpyasūtraṃ caturtham.

evaṃ mayā śrutam. ekasminsamaye bhagavāñchrāvastyāṃ viharati sma jetavane'nāthapiṇḍadasyārāme.

tasminsamaye bhagavānbhikṣūnāmantrayata—yadi bhikṣurahrīko bhavatyanapatrāpī sa premagauravamupahanti. asati premagaurave sa śraddhāmupahanti. asatyāṃ śraddhāyāṃ sa yoniśomanasikāramupahanti. asati yoniśomanasikāre sa samyaksmṛtisamprajanyamupahanti. asati samyaksmṛtisamprajanye sa indriyasaṃvaraṃ śīlasaṃvaramavipratisāraṃ prāmodyaṃ prītiṃ praśrabdhiṃ sukhaṃ samādhiṃ yathābhūtajñānadarśanaṃ nirvedaṃ virāgaṃ vimuktiṃ copahanti. asatyāṃ vimuktau sa nirvāṇamupahanti.

yadi bhikṣurhrīmānbhavatyapatrāpī sa premagauravaṃ bhāvayati. sati premagaurave sa śraddhāṃ bhāvayati. satyāṃ śraddhāyāṃ sa yoniśomanasikāraṃ bhāvayati. sati yoniśomanasikāre sa samyaksmṛtisamprajanyaṃ bhāvayati. sati samyaksmṛtisamprajanye sa indriyasaṃvaraṃ śīlasaṃvaramavipratisāraṃ prāmodyaṃ prītiṃ praśrabdhiṃ sukhaṃ samādhiṃ yathābhūtajñānadarśanaṃ nirvedaṃ virāgaṃ vimuktiṃ ca bhāvayati. satyāṃ vimuktau sa nirvāṇaṃ bhāvayati.

idamavocadbhagavān. āttamanasaste bhikṣavo bhagavato bhāṣitamabhyanandan.

hryapatrāpyasūtraṃ caturthaṃ samāptam.