evam mayā śrutam—ekasmin samaye āyuṣmān mahāmaudgalyāno bhargeṣu viharati sma śiśumāragirau bheṣakalāvane mṛgadāve. tatra khalv āyuṣmān mahāmaudgalyāno bhikṣūn āmantrayata— “āyuṣmanto bhikṣava” iti.

“āyuṣmanta” iti khalu te bhikṣava āyuṣmato mahāmaudgalyānasya pratyaśrauṣuḥ. āyuṣmān mahāmaudgalyāna etad avocat:

“pravārayati ced api, āyuṣmantaḥ, bhikṣuḥ— ‘vadantu mām āyuṣmantaḥ, vacanīyo 'smy āyuṣmadbhir’ iti, sa ca bhavati durvacāḥ, daurvacasyakaraṇair dharmaiḥ samanvāgataḥ, akṣamo 'pradakṣiṇagrāhī anuśāsanīm, atha khalu taṃ sabrahmacāriṇo na caiva vaktavyaṃ manyante, na cānuśāsitavyaṃ manyante, na ca tasmin pudgale viśvāsam āpattavyaṃ manyante.

katame cāyuṣmantaḥ, daurvacasyakaraṇā dharmāḥ? ihāyuṣmantaḥ, bhikṣuḥ pāpeccho bhavati, pāpikānām icchānāṃ vaśaṃ gataḥ. yac cāyuṣmantaḥ, bhikṣuḥ pāpeccho bhavati, pāpikānām icchānāṃ vaśaṃ gataḥ—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣur ātmotkarṣako bhavati parāvamānī. yac cāyuṣmantaḥ, bhikṣur ātmotkarṣako bhavati parāvamānī—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuḥ krodhano bhavati krodhābhibhūtaḥ. yac cāyuṣmantaḥ, bhikṣuḥ krodhano bhavati krodhābhibhūtaḥ—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuḥ krodhano bhavati krodhahetor upanāhī. yac cāyuṣmantaḥ, bhikṣuḥ krodhano bhavati krodhahetor upanāhī—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuḥ krodhano bhavati krodhahetor abhisaṅgī. yac cāyuṣmantaḥ, bhikṣuḥ krodhano bhavati krodhahetor abhisaṅgī—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuḥ krodhano bhavati krodhasāmantāṃ vācaṃ niścārayitā. yac cāyuṣmantaḥ, bhikṣuḥ krodhano bhavati krodhasāmantāṃ vācaṃ niścārayitā—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuś coditaś codakena codakaṃ partisphurati. yac cāyuṣmantaḥ, bhikṣuś coditaś codakena codakaṃ partisphurati—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuś coditaś codakena codakam apasādayati. yac cāyuṣmantaḥ, bhikṣuś coditaś codakena codakam apasādayati—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuś coditaś codakena codakasya pratyāropayati. yac cāyuṣmantaḥ, bhikṣuś coditaś codakena codakasya pratyāropayati—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuś coditaś codakenānyenānyaṃ praticarati, bahirdhā kathām apanāmayati, kopaṃ ca doṣaṃ cāpratyayaṃ ca prāduṣkaroti. yac cāyuṣmantaḥ, bhikṣuś coditaś codakenānyenānyaṃ praticarati, bahirdhā kathām apanāmayati, kopaṃ ca doṣaṃ cāpratyayaṃ ca prāduṣkaroti—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuś coditaś codakenāpadāne na sampādayati. yac cāyuṣmantaḥ, bhikṣuś coditaś codakenāpadāne na sampādayati—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣur mrakṣī bhavati palāśī. yac cāyuṣmantaḥ, bhikṣur mrakṣī bhavati palāśī—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣur īrṣyuko bhavati matsarī. yac cāyuṣmantaḥ, bhikṣur īrṣyuko bhavati matsarī—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuḥ śaṭho bhavati māyāvī. yac cāyuṣmantaḥ, bhikṣuḥ śaṭho bhavati māyāvī—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuḥ stabdho bhavaty atimānī. yac cāyuṣmantaḥ, bhikṣuḥ stabdho bhavaty atimānī—ayam api dharmo daurvacasyakaraṇaḥ.

punaś cāparam, āyuṣmantaḥ, bhikṣuḥ svadṛṣṭiparāmarśī bhavaty ādhānagrāhī duṣpratinisargī. yac cāyuṣmantaḥ, bhikṣuḥ svadṛṣṭiparāmarśī bhavaty ādhānagrāhī duṣpratinisargī—ayam api dharmo daurvacasyakaraṇaḥ.

ime ucyante, āyuṣmantaḥ, daurvacasyakaraṇā dharmāḥ.

no ced api, āyuṣmantaḥ, bhikṣuḥ pravārayati: ‘vadantu mām āyuṣmantaḥ, vacanīyo 'smy āyuṣmadbhir’ iti, sa ca bhavati suvacāḥ, sauvacasyakaraṇair dharmaiḥ samanvāgataḥ, kṣamaḥ pradakṣiṇagrāhī anuśāsanīm, atha khalu taṃ sabrahmacāriṇo vaktavyaṃ caiva manyante, anuśāsitavyaṃ ca manyante, tasminś ca pudgale viśvāsam āpattavyaṃ manyante.

katame cāyuṣmantaḥ, sauvacasyakaraṇā dharmāḥ? ihāyuṣmantaḥ, bhikṣur na pāpeccho bhavati, na pāpikānām icchānāṃ vaśaṃ gataḥ. yac cāyuṣmantaḥ, bhikṣur na pāpeccho bhavati na pāpikānām icchānāṃ vaśaṃ gataḥ—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur anātmotkarṣako bhavaty aparāvamānī. yac cāyuṣmantaḥ, bhikṣur anātmotkarṣako bhavaty aparāvamānī—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur na krodhano bhavati na krodhābhibhūtaḥ. yac cāyuṣmantaḥ, bhikṣur na krodhano bhavati na krodhābhibhūtaḥ—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur na krodhano bhavati na krodhahetor upanāhī. yac cāyuṣmantaḥ, bhikṣur na krodhano bhavati na krodhahetor upanāhī—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur na krodhano bhavati na krodhahetor abhisaṅgī. yac cāyuṣmantaḥ, bhikṣur na krodhano bhavati na krodhahetor abhisaṅgī—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur na krodhano bhavati na krodhasāmantāṃ vācaṃ niścārayitā. yac cāyuṣmantaḥ, bhikṣur na krodhano bhavati na krodhasāmantāṃ vācaṃ niścārayitā—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣuś coditaś codakena codakaṃ na partisphurati. yac cāyuṣmantaḥ, bhikṣuś coditaś codakena codakaṃ na partisphurati—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣuś coditaś codakena codakaṃ nāpasādayati. yac cāyuṣmantaḥ, bhikṣuś coditaś codakena codakaṃ nāpasādayati—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣuś coditaś codakena codakasya na pratyāropayati. yac cāyuṣmantaḥ, bhikṣuś coditaś codakena codakasya na pratyāropayati—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣuś coditaś codakena nānyenānyaṃ praticarati, na bahirdhā kathām apanāmayati, na kopaṃ ca doṣaṃ cāpratyayaṃ ca prāduṣkaroti. yac cāyuṣmantaḥ, bhikṣuś coditaś codakena nānyenānyaṃ praticarati, na bahirdhā kathām apanāmayati, na kopaṃ ca doṣaṃ cāpratyayaṃ ca prāduṣkaroti—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣuś coditaś codakenāpadāne sampādayati. yac cāyuṣmantaḥ, bhikṣuś coditaś codakenāpadāne sampādayati—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur amrakṣī bhavaty apalāśī. yac cāyuṣmantaḥ, bhikṣur amrakṣī bhavaty apalāśī—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur anīrṣyuko bhavaty amatsarī. yac cāyuṣmantaḥ, bhikṣur anīrṣyuko bhavaty amatsarī—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur aśaṭho bhavaty amāyāvī. yac cāyuṣmantaḥ, bhikṣur aśaṭho bhavaty amāyāvī—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur astabdho bhavaty anatimānī. yac cāyuṣmantaḥ, bhikṣur astabdho bhavaty anatimānī—ayam api dharmo sauvacasyakaraṇaḥ.

punaś cāparam, āyuṣmantaḥ, bhikṣur asvadṛṣṭiparāmarśī bhavaty anādhānagrāhī supratinisargī. yac cāyuṣmantaḥ, bhikṣur asvadṛṣṭiparāmarśī bhavaty anādhānagrāhī supratinisargī—ayam api dharmo sauvacasyakaraṇaḥ.

ime ucyante, āyuṣmantaḥ, sauvacasyakaraṇā dharmāḥ.

tatrāyuṣmantaḥ, bhikṣuṇātmanaivātmānam evam anumātavyam: ‘yaḥ khalv ayaṃ pudgalaḥ pāpecchaḥ, pāpikānām icchānāṃ vaśaṃ gataḥ, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ pāpecchaḥ pāpikānām icchānāṃ vaśaṃ gataḥ, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘na pāpeccho bhaviṣyāmi, na pāpikānām icchānāṃ vaśaṃ gata’ iti cittam utpādayitavyam.

‘yaḥ khalv ayaṃ pudgala ātmotkarṣakaḥ parāvamānī, ayaṃ me pudgalo 'priyo 'manāpaḥ; ahaṃ caiva khalu punaḥ syām ātmotkarṣakaḥ parāvamānī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘anātmotkarṣako bhaviṣyāmy aparāvamānī’ti cittam utpādayitavyam.

‘yaḥ khalv ayaṃ pudgalaḥ krodhanaḥ krodhābhibhūtaḥ, ayaṃ me pudgalo 'priyo 'manāpaḥ. ahaṃ caiva khalu punaḥ syāṃ krodhanaḥ krodhābhibhūtaḥ, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘na krodhano bhaviṣyāmi na krodhābhibhūta’ iti cittam utpādayitavyam.

‘yaḥ khalv ayaṃ pudgalaḥ krodhanaḥ krodhahetor upanāhī, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ krodhanaḥ krodhahetor upanāhī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘na krodhano bhaviṣyāmi na krodhahetor upanāhī’ti cittam utpādayitavyam.

‘yaḥ khalv ayaṃ pudgalaḥ krodhanaḥ krodhahetor abhisaṅgī, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ krodhanaḥ krodhahetor abhisaṅgī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘na krodhano bhaviṣyāmi na krodhahetor abhisaṅgī’ti cittam utpādayitavyam.

‘yaḥ khalv ayaṃ pudgalaḥ krodhanaḥ krodhasāmantāṃ vācaṃ niścārayitā, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ krodhanaḥ krodhasāmantāṃ vācaṃ niścārayitā, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘na krodhano bhaviṣyāmi na krodhasāmantāṃ vācaṃ niścārayiṣyāmī’ti cittam utpādayitavyam.

‘yaḥ khalv ayaṃ pudgalaś coditaś codakena codakaṃ partisphurati, ayaṃ me pudgalo 'priyo 'manāpaḥ; ahaṃ caiva khalu punaś coditaś codakena codakaṃ pratisphureyam, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘coditaś codakena codakaṃ na pratisphuriṣyāmī’ti cittam utpādayitavyam.

‘yaḥ khalv ayaṃ pudgalaś coditaś codakena codakam apasādayati, ayaṃ me pudgalo 'priyo 'manāpaḥ; ahaṃ caiva khalu punaś coditaś codakena codakam apasādayeyam, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘coditaś codakena codakaṃ nāpasādayiṣyāmī’ti cittam utpādayitavyam.

‘yaḥ khalv ayaṃ pudgalaś coditaś codakena codakasya pratyāropayati, ayaṃ me pudgalo 'priyo 'manāpaḥ; ahaṃ caiva khalu punaś coditaś codakena codakasya pratyāropayeyam, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘coditaś codakena codakasya na pratyāropayiṣyāmī’ti cittam utpādayitavyam.

‘yaḥ khalv ayaṃ pudgalaś coditaś codakenānyenānyaṃ praticarati, bahirdhā kathām apanāmayati, kopaṃ ca doṣaṃ cāpratyayaṃ ca prāduṣkaroti, ayaṃ me pudgalo 'priyo 'manāpaḥ; ahaṃ caiva khalu punaś coditaś codakenānyenānyaṃ praticareyam, bahirdhā kathām apanāmayeyam, kopaṃ ca doṣaṃ cāpratyayaṃ ca prāduṣkuryām, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘coditaś codakena nānyenānyaṃ praticariṣyāmi, na bahirdhā kathām apanāmayiṣyāmi, na kopaṃ ca doṣaṃ cāpratyayaṃ ca prāduṣkariṣyāmī’ti cittam utpādayitavyam.

‘yaḥ khalv ayaṃ pudgalaś coditaś codakenāpadāne na sampādayati, ayaṃ me pudgalo 'priyo 'manāpaḥ; ahaṃ caiva khalu punaś coditaś codakenāpadāne na sampādayeyam, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘coditaś codakenāpadāne sampādayiṣyāmī’ti cittam utpādayitavyam.

‘yaḥ khalv ayaṃ pudgalo mrakṣī palāśī, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ mrakṣī palāśī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘amrakṣī bhaviṣyāmy apalāśī’ti cittam utpādayitavyam.

‘yaḥ khalv ayaṃ pudgara īrṣyuko matsarī, ayaṃ me pudgalo 'priyo 'manāpaḥ; ahaṃ caiva khalu punaḥ syām īrṣyuko matsarī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘anīrṣyuko bhaviṣyāmy amatsarī’ti cittam utpādayitavyam.

‘yaḥ khalv ayaṃ pudgalaḥ śaṭho māyāvī, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ śaṭho māyāvī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘aśaṭho bhaviṣyāmy amāyāvī’ti cittam utpādayitavyam.

‘yaḥ khalv ayaṃ pudgalaḥ stabdho 'timānī, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ stabdho 'timānī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘astabdho bhaviṣyāmy anatimānī’ti cittam utpādayitavyam.

‘yaḥ khalv ayaṃ pudgalaḥ svadṛṣṭiparāmarśī ādhānagrāhī duṣpratinisargī, ayaṃ me pudgalo 'priyo 'manāpaḥ; ahaṃ caiva khalu punaḥ syāṃ svadṛṣṭiparāmarśī ādhānagrāhī duṣpratinisargī, aham api syāṃ pareṣām apriyo 'manāpa’ iti. evaṃ jānatā, āyuṣmantaḥ, bhikṣuṇā ‘asvadṛṣṭiparāmarśī bhaviṣyāmy anādhānagrāhī supratinisargī’ti cittam utpādayitavyam.

tatrāyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi pāpecchaḥ, pāpikānām icchānāṃ vaśaṃ gata’ iti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘pāpecchaḥ khalv asmi, pāpikānām icchānāṃ vaśaṃ gata’ iti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘na khalv asmi pāpecchaḥ, na pāpikānām icchānāṃ vaśaṃ gata’ iti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmy ātmotkarṣakaḥ parāvamānī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘ātmotkarṣakaḥ khalv asmi parāvamānī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘anātmotkarṣakaḥ khalv asmy aparāvamānī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi krodhanaḥ krodhābhibhūta’ iti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘krodhanaḥ khalv asmi krodhābhibhūta’ iti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘na khalv asmi krodhanaḥ krodhābhibhūta’ iti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi krodhanaḥ krodhahetor upanāhī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti ‘krodhanaḥ khalv asmi krodhahetor upanāhī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti ‘na khalv asmi krodhanaḥ krodhahetor upanāhī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi krodhanaḥ krodhahetor abhisaṅgī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘krodhanaḥ khalv asmi krodhahetor abhisaṅgī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘na khalv asmi krodhanaḥ krodhahetor abhisaṅgī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi krodhanaḥ krodhasāmantāṃ vācaṃ niścārayitā’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘krodhanaḥ khalv asmi krodhasāmantāṃ vācaṃ niścārayitā’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘na khalv asmi krodhanaḥ krodhasāmantāṃ vācaṃ niścārayitā’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi coditaś codakena codakaṃ partisphurāmī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti ‘coditaḥ khalv asmi codakena codakaṃ partisphurāmī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakena codakaṃ na partisphurāmī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi coditaś codakena codakam apasādayāmī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti ‘coditaḥ khalv asmi codakena codakam apasādayāmī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakena codakaṃ nāpasādayāmī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi coditaś codakena codakasya pratyāropayāmī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakena codakasya pratyāropayāmī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakena codakasya na pratyāropayāmī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi coditaś codakenānyenānyaṃ praticarāmi, bahirdhā kathām apanāmayāmi, kopaṃ ca doṣaṃ cāpratyayaṃ ca prāduṣkaromī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakenānyenānyaṃ praticarāmi, bahirdhā kathām apanāmayāmi, kopaṃ ca doṣaṃ cāpratyayaṃ ca prāduṣkaromī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakena nānyenānyaṃ praticarāmi, na bahirdhā kathām apanāmayāmi, na kopaṃ ca doṣaṃ cāpratyayaṃ ca prāduṣkaromī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi coditaś codakenāpadāne na sampādayāmī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakenāpadāne na sampādayāmī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘coditaḥ khalv asmi codakenāpadāne sampādayāmī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi mrakṣī palāśī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘mrakṣī khalv asmi palāśī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘amrakṣī khalv asmi apalāśī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmy īrṣyuko matsarī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘īrṣyukaḥ khalv asmi matsarī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘anīrṣyukaḥ khalv asmy amatsarī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi śaṭho māyāvī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘śaṭho khalv asmi māyāvī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘aśaṭho khalv asmi amāyāvī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi stabdho 'timānī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘stabdho khalv asmi atimānī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘astabdho khalv asmi anatimānī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

punaś cāparam, āyuṣmantaḥ, bhikṣuṇātmanaivātmānam evaṃ pratyavekṣitavyam: ‘kiṃ nu khalv asmi svadṛṣṭiparāmarśī ādhānagrāhī duṣpratinisargī’ti? saced, āyuṣmantaḥ, bhikṣuḥ pratyavekṣamāṇa evaṃ jānāti: ‘svadṛṣṭiparāmarśī khalv asmi ādhānagrāhī duṣpratinisargī’ti, tenāyuṣmantaḥ, bhikṣuṇā teṣām eva pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇa evaṃ jānāti: ‘asvadṛṣṭiparāmarśī khalv asmi anādhānagrāhī supratinisargī’ti, tenāyuṣmantaḥ, bhikṣuṇā tenaiva prītiprāmodyeṇa vihartavyam ahorātrānuśikṣiṇā kuśaleṣu dharmeṣu.

saced, āyuṣmantaḥ, bhikṣuḥ pratyavekṣamāṇaḥ sarvān evemān pāpakān akuśalān dharmān aprahīṇān ātmani samanupaśyati, tenāyuṣmantaḥ, bhikṣuṇā sarveṣām eveṣāṃ pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇaḥ sarvān evemān pāpakān akuśalān dharmān prahīṇān ātmani samanupaśyati, tenāyuṣmantaḥ, bhikṣuṇā tenaiva prītiprāmodyeṇa vihartavyam, ahorātrānuśikṣiṇā kuśaleṣu dharmeṣu.

tadyathāpi, āyuṣmantaḥ, strī vā puruṣo vā, daharo yuvā maṇḍanajātikaḥ, ādarśe vā pariśuddhe paryavadāte, acche vā udakapātre, svakaṃ mukhanimittaṃ pratyavekṣamāṇaḥ, sacet tatra paśyati rajo vāṅgaṇaṃ vā, tasyaiva rajaso vāṅgaṇasya vā prahāṇāya vyāyamati; no cet tatra paśyati rajo vāṅgaṇaṃ vā, tenaivāttamano bhavati: ‘lābhā bata me, pariśuddhaṃ bata me’ti.

evam eva khalu, āyuṣmantaḥ, saced bhikṣuḥ pratyavekṣamāṇaḥ sarvān evemān pāpakān akuśalān dharmān aprahīṇān ātmani samanupaśyati, tenāyuṣmantaḥ, bhikṣuṇā sarveṣām eveṣāṃ pāpakānām akuśalānāṃ dharmāṇāṃ prahāṇāya vyāyamitavyam. sacet punar āyuṣmantaḥ, bhikṣuḥ pratyavekṣamāṇaḥ sarvān evemān pāpakān akuśalān dharmān prahīṇān ātmani samanupaśyati, tenāyuṣmantaḥ, bhikṣuṇā tenaiva prītiprāmodyeṇa vihartavyam, ahorātrānuśikṣiṇā kuśaleṣu dharmeṣu” iti.

idam avocad āyuṣmān mahāmaudgalyānaḥ. āttamanās te bhikṣava āyuṣmato mahāmaudgalyānasya bhāṣitam abhyanandan.

anumānasūktaṃ niṣṭhitam pañcamam.